Eventos

Buscador

    a
Obradoiro telemático a través de Zoom.

Chamamos Growth Márketing (que poderiamos traducir como Márketing de Crecemento) ao conxunto de técnicas e estratexias do márketing dixital orientadas a un crecemento sostido no tempo da nosa empresa ou proxecto, sempre en base ao estudo de datos e á metodoloxía ensaio/erro. Este concepto nace doutro similar, o Growth Hacking. Utilizando moitas veces os seus métodos, o Growth Márketing pon con todo ao usuario no centro, dentro dunha estratexia que busca resultados tamén a longo prazo. 

1-	Que é o Growth Márketing?
2-	Diferenzas entre Growth Márketing e Growth Hacking.
3-	Fases do Growth Márketing.
4-	Activos e estratexias participantes.
5-	Ferramentas
6-	Casos de Éxito

O obradoiro será impartido por Adrián Fernández, Licenciado en Comunicación Audiovisual pola Universidade de Barcelona e cunha ampla experiencia e traxectoria profesional asesorando empresas de diversos sectores no ámbito da comunicación dixital e o márketing online.
Obradoiro telemático a través de Zoom.

Este obradoiro informativo está orientado a que autónomos e micropemes coñezan dunha maneira máis detallada o uso do medio de comunicación máis utilizado na actualidade: as redes sociais. Cunha gran penetración na poboación, estas teñen unha gran importancia nas relacións coa clientela e inflúen nas súas compras. Por iso é necesario coñecer as vantaxes que poden xerar nunha empresa a través das ferramentas e técnicas de venda dispoñibles neste medio, para construír unha imaxe positiva de marca cara ás nosas persoas consumidoras e clientela potencial.

Contidos:
• Factores para mellorar a túa presenza en internet 
• Introdución en redes sociais 
• SMP-Social Media Plan en redes sociais
• Técnicas de vendas en redes sociais 
• Recomendacións de actuación
• Casos de éxito: exemplos reais sobre éxito en redes sociais

Relator: José Luis Taboada. Inxeneiro Informático con máis de 20 anos de experiencia, e especializado en sistemas informáticos.