Con este taller queremos concienciar de que o uso do 3D en audiovisual non é só cousa de grandes corporacións, campañas de márketing ou produtoras, senón que, autónomos e pequenas empresas poden beneficiarse das súas vantaxes e posibilidades para realizar vídeos máis atractivos e interesantes.

Para iso, analizaremos o proceso de realización e produción audiovisual, programas de edición de vídeo e de animación 3D. 

Índice de contidos:
- Vídeo corporativo ou promocional?
- Proceso de realización e produción audiovisual.
- Tipos de montaxe.
- Tipos de planos, movemento de cámara, ritmo, etc.
- Audio ou Banda sonora.
- Programas e proceso de edición de vídeo.
- Vantaxes e posibilidades do 3D nos meus vídeos.
- Programas e proceso de animación 3D.

O obradoiro será impartido por Sabela Muñiz, creativa multidisciplinar e  CEO en Alobre 3D, empresa dedicada ao desenvolvemento de solucións en 3D aplicadas ao márketing e comunicación empresarial. 

O proxecto consiste en programar un dispositivo que mediante unha calibración previa
sexa capaz de dicirnos a cantidade de luz recibida no sensor, para iso utilizarase unha frecha que indicará segundo a luz captada se nos atopamos de día, á tardiña ou de noite nun gráfico  identifcativo.

Índice de contidos:
- Chasis  luzometro (impreso en 3D)
- Máquina de estados I, variables,  if... else…
-  Leds,  servos,  boton,  pot,  LDR,  zumbador, porto serie

O obradoiro será impartido por Manuel Freire, Experto Universitario en Robótica, Programación e Impresión 3D con máis de 4 anos de experiencia impartindo talleres de formación.

A analítica web é unha ferramenta de negocio que nos axuda a entender o comportamento dos usuarios no noso sitio web para que podamos mellorar a súa experiencia e conseguir os nosos obxectivos. Obtendo esta información e interpretándoa correctamente, poderemos chegar á toma de decisións óptima e corrixir pautas para mellorar os nosos obxectivos comerciais.  

Índice de contidos:
• Introdución, metodoloxía e importancia da analítica web
• Como funciona Google  Analytics?
• Creación dunha conta e código de seguimento
• Conceptos e métricas básicas
• Os obxectivos – Embudes de conversión
• Informes estándar
• Informes personalizados

O obradoiro será impartido por Laura Carrera, Graduada en Publicidade e Relacións Públicas e Postgraduada en Dirección de Comunicación Corporativa, que conta cunha ampla experiencia asesorando empresas de diversos sectores no ámbito da comunicación e o marketing dixital.

Con este taller coñecerás as pautas de como se planifica un evento en redes sociais e cales son os aspectos que debes ter en conta para organizalo, as accións que debes realizar na produción e na post-produción para promocionar o evento e que sexa todo un éxito.  

Os eventos son unha gran ferramenta de comunicación para o teu negocio xa que potencias a túa imaxe, fidelizas e captas novos clientes. Para facer unha promoción perfecta do teu evento -sexa cal for-, existen tres etapas fundamentais, as cales teñen o seu lugar nas redes sociais. 

Índice de contidos:
• Factores a ter en conta antes de organizar un evento (Tipos de evento, público obxectivo, creatividade, programa do evento, etc)
• Fase de  pre-evento en redes sociais: planificación e preparación 
• Acciones durante o evento (creación de  hashtag, como usar Facebook  Live,  Periscope ou  Stories)
•Accións post-evento (Agradecementos, monitoraxe de  hashtag, reporte de actividade  online

O obradoiro será impartido por José Luis Taboada, inxeneiro Informático con máis de 20 anos de experiencia, e especializado en sistemas informáticos.

Entendemos publicidade nativa como o uso de anuncios de pago que, principalmente, aseméllanse co aspecto e formato dos medios onde aparecen. Non teñen unha aparencia de anuncio como tal, senón que parecen que forman parte do contido da páxina. Por iso, a clave deste tipo de publicidade é que non é  disruptiva, é dicir, expón ao lector a contidos publicitarios sen sobresaír de maneira molesta.

Por iso, neste taller aprenderase que é a publicidade nativa e como se pode aplicar ao noso negocio ou proxecto. 

Índice de contidos:
- Que é a publicidade nativa
- Vantaxes
- Como facer publicidade nativa
- Formatos
- Casos de éxito
- Conclusións 

O obradoiro será impartido por Fátima Faílde, Licenciada en Publicidade e Relacións Públicas pola Universidade de Vigo, cun posgraduado en Comunicación e Industrias Creativas pola Universidade de Santiago de Compostela e con experiencia en comunicación corporativa, deseño gráfico e Imaxe corporativa. 

A fotografía de produto é o escaparate do noso local no mundo  on- line, por iso debemos ser coidadosos á hora de realizar as nosas fotografías, coidar os detalles a luz e a composición son os factores máis importantes da nosa fotografía.

Da calidade da nosa imaxe dependerá a capacidade de aceptación ou desexo de consumir os nosos produtos ou servizos. Neste taller repasaremos as claves e os elementos que debemos utilizar para realizar unha boa fotografía de produto.

Recomendable traer cámara propia para realizar prácticas de fotografía de produto.

Índice de contidos:
1. Que é a fotografía de produto?
2. Claves para conseguir a fotografía perfecta.
3. Que necesitamos para facer boas fotografías de produto?
4. Elementos para realizar as fotografías.
5. Requisitos de tendas  on- line (tamaños, calidade, etc.)
6. Práctica de edición como programa  on- line.

O obradoiro será impartido por Lara Taboada, Titulada Superior en Ensinos Artísticos de Deseño Gráfico, con experiencia en fotografía de produto e composición fotográfica creativa.

 Linkedin é a rede social principal para crear contactos profesionais,  proporciona unha canle de tráfico á web das empresas e autónomos, axuda a mellorar a visibilidade en Google e permite afianzar marcas e ampliar a carteira de contactos.

Para iso, existen unha serie de accións de márketing que axudarán á empresa para sacarlle maior rendemento a esta rede social de contactos profesionais. Este taller axudará a crear as estratexias de márketing máis oportunas para optimizar as páxinas de empresa nesta rede social de contactos.

Índice de contidos:
• Obxectivos das empresas en  Linkedin
• Exemplos de páxinas de empresa en  Linkedin
• Optimización da páxina empresarial ás 100%
• Estratexias de márketing
- Involucra aos teus empregados
- Utiliza contido de valor:  Slideshare
- Grupos: crea e participa 
-  Linkedin  Ads
- Crea o perfil noutros idiomas

O obradoiro será impartido por José Luis Penas, Enxeñeiro Técnico Informático, Título de Metodoloxía Didáctica, con experiencia en formación e no asesoramento e creación de páxinas web e deseño gráfico.

Hoxe en día triunfa o contido efémero nas redes sociais: contidos numerosos, de consumo rápido e cunha calidade inferior á do contido permanente. Por que se fixo tan popular este formato? Neste taller responderemos a estas preguntas e coñeceremos como crear este tipo de contido a través das Historias ( Stories) de Facebook e  Instagram, sempre integrados na nosa estratexia de márketing. 

Índice de contidos:
• Importancia do contido efémero en  RRSS: As " Stories"
• Facebook  Stories
•  Instagram  Stories
• Estratexia de contidos

O obradoiro será impartido por María Aller, Licenciada en Publicidade e Relacións Públicas pola Universidade de Vigo, cun postgrado en Comunicación Corporativa pola Universidade da Coruña e un master en marketing dixital pola UCM, con máis de 3 anos de experiencia en marketing dixital e ecommerce.

 Instagram é unha das redes sociais que hoxe en día está máis de “moda” sobre todo no ámbito do turismo. Implementando unha boa estratexia de márketing poderás atraer a un público máis cualificado e alongar a súa experiencia co teu produto.

Calquera usuario, ao ver unha imaxe en  Instagram dalgún produto/destino/establecemento turístico, pode sentir a necesidade coñecerche, converténdose tamén nun prescritor a túa marca, contando a súa experiencia coas súas propias imaxes. 

Índice de contidos:
• Introdución.
• Guía rápida de creación da túa conta en  Instagram para empresas.
• Consellos de uso para gañar visibilidade.
• Ferramentas para optimizar a presenza do teu negocio.
• Publicidade en  Instagram:  Instagram  ads e “ Instagram  stories”

O obradoiro será impartido por Sonia Torres, Técnica de Empresas e Actividades Turísticas pola  Universidade da Coruña con posgrao en Xestión e Dirección de Empresas Turísticas pola  Universidade de Santiago de Compostela. Nos últimos anos traballou como Técnico de dinamización turística e como docente de certificados de profesionalidade na área de turismo.

A analítica web é unha ferramenta de negocio que nos axuda a entender o comportamento dos usuarios no noso sitio web para que podamos mellorar a súa experiencia e conseguir os nosos obxectivos. Obtendo esta información e interpretándoa correctamente, poderemos chegar á toma de decisións óptima e corrixir pautas para mellorar os nosos obxectivos comerciais.  

Índice de contidos:
• Introdución, metodoloxía e importancia da analítica web
• Como funciona Google  Analytics?
• Creación dunha conta e código de seguimento
• Conceptos e métricas básicas
• Os obxectivos – Embudes de conversión
• Informes estándar
• Informes personalizados

O obradoiro será impartido por Esther Garcinuño, Diplomada en Ciencias Empresariais, coa especialidade de mercadotecnia e dirección comercial, pola Universidade da Coruña e Enxeñeira Técnica en Informática de Xestión pola Universidade de Vigo, con mais de 8 anos de experiencia en deseño, desenvolvemento e dirección de proxectos web.