A través da OAPR Ponteareas organízase o seguinte obradoiro para SmartPeme.

Este obradoiro será presencial en Ponteareas (Plaza Mayor, 13; 36860 - Ponteareas)

Introducirémoste nunha metodoloxía clave para emprendedores e equipos de innovación: un enfoque sistemático para descubrir, comprender, validar e atender aos teus clientes reais, máis aló dos supostos iniciais. Este enfoque é fundamental para quen desenvolva unha nova idea de negocio, lance un produto innovador ou busque adaptar o seu modelo actual ao que realmente necesita o mercado.

Índice de contidos:
1. Descubrimento de clientes
2. Validación do cliente
3. Xeración de clientes
4. Creación da empresa

O obradoiro será impartido por Sabela Álvarez, asesora de emprendemento, licenciada en comunicación e formadora acreditada; con máis de 10 anos de experiencia en empregabilidade, emprego e emprendemento.

Obradoiro telemático a través de Zoom

Aprender as claves sobre copywriting para crear mensaxes estratéxicas que capturen a atención da túa audiencia en web e redes sociais, a través da exploración de técnicas de redacción que axudarán a comunicar o valor da túa marca.

Índice de contidos:

1. Que é o Copywriting?
2. Tipos de Copywriting
3. Como escribir un bo copy
4. Como usar o copywriting no meu web
5. Como usar o copywriting nas miñas redes sociais

O obradoiro será impartido por María Aller, Licenciada en Publicidade e Relacións Públicas pola Universidade de Vigo, cun postgrado en Comunicación Corporativa pola Universidade da Coruña e un master en marketing dixital pola UCM, cunha ampla experiencia en márketing dixital e ecommerce.

A través da OAPR de Cambados estase a organizar o seguinte obradoiro para SmartPeme.

Este obradoiro será presencial no Centro ExpoSalnés (Paseo da calzada s/n; 36630 - Cambados)

Nesta primeira parte do obradoiro ten como obxectivo introducirvos no mundo da automatización desde a perspectiva dun principiante e formar profesionais e líderes empresariais no uso práctico de ferramentas de Intelixencia Artificial para automatizar procesos, mellorar a eficiencia operativa e optimizar a toma de decisións nas súas organizacións.

Índice de contidos:
1. Introdución á automatización
2. Recursos de automatización de IA
3. Que é a automatización?
4. NoCode VS Programación
5. Creación dun escenario en Make
6. Conexión de Make con outras plataformas
7. Entrada, saída e paquetes
8. Creación dun escenario como exemplo

O obradoiro será impartido por Jose Luis Taboada, asesor da OAPR Cambados con máis de 25 anos no sector e especializado en sistemas informáticos.

Este obradoiro será presencial en  A Estrada (Pza. Martínez Anido, 4 - 36680  Estrada).

Sintes que poderías organizar mellor o teu día a día, pero non sabes por onde comezar?

Neste obradoiro, descubrirás como sacar o máximo proveito de ferramentas gratuítas e potentes. Aprende a xestionar o teu tempo, os teus ficheiros e as túas comunicacións de forma eficiente e sinxela, desde calquera dispositivo.

Ideal para emprendedores, autónomos e pequenas empresas que queiran dixitalizarse sen complicacións.

Índice de contidos:
1. Por onde comezar? Claves para mellorar a xestión diaria
2. Google Drive: organiza e comparte os teus arquivos na nube
3. Google Calendar: planificación e control do teu tempo
4. Gmail, Docs e Sheets: comunicación e produtividade en equipo
5. Google My Business: presenza online do teu negocio
6. Boas prácticas e trucos para traballar dende calquera dispositivo

O obradoiro será impartido por Fátima Faílde, Licenciada en Publicidade e Relacións Públicas pola Universidade de Vigo, cun posgraduado en Comunicación e Industrias Creativas pola Universidade de Santiago de Compostela e con experiencia en comunicación corporativa, deseño gráfico e Imaxe corporativa

Obradoiro online a través de Zoom.

Aprende a dar os teus primeiros pasos no deseño 3D con OnShape para ter éxito de forma práctica e divertida. Neste obradoiro crearás os teus primeiros debuxos nun plano, transformarás imaxes ou diagramas en figuras xeométricas e darás vida aos teus deseños, elevándoos ao mundo tridimensional. Unha introdución perfecta para comezar a modelar en 3D sen necesidade de instalar programas.

Índice de contidos:

1. Introdución a OnShape e ao deseño 3D en liña
2. Creación de bosquexos
3. Ferramentas básicas de deseño: liñas, círculos, extrusións
4. Converter imaxes ou planos en figuras 2D
5. Pasar de 2D a 3D: extruir, remexer e moito máis
6. Pequenos proxectos para practicar e experimentar co deseño

O obradoiro será impartido por Manuel Tornos, asesor do CPED (Centro de Educación e Formación) de Barro-Meis con máis de 30 anos de experiencia en TIC e experto en transformación dixital, optimización de procesos e novas tecnoloxías. Administrador de redes e sistemas.