Obradoiro telemático a través de Zoom

O obxectivo deste obradoiro é dar a coñecer a ferramenta de Google, enfocada a negocios locais que busquen unha maior visibilidade.
Perfil de empresa de Google está pensado para facilitar o aproveitamento, por parte dos pequenos comercios, das posibilidades da Xeolocalización e as procuras que a súa potencial clientela poidan facer, empregando o buscador de Google.

O obradoiro será impartido por Adrián Fernández, Licenciado en Comunicación Audiovisual pola Universidade de Barcelona e cunha ampla experiencia e traxectoria profesional asesorando empresas de diversos sectores no ámbito da comunicación dixital e o márketing online.

Calquera negocio turístico ten como obxectivo conseguir mellorar os seus ingresos. Isto poderás facelo reducindo gastos como as comisións das plataformas de comercialización. Para iso terás que traballar as reservas directas dos teus clientes. Se estás nese punto, neste obradoiro darémosche consellos prácticos para implementar no teu aloxamento e conseguir maior rendibilidade a través das reservas directas.

1. Análise da venda dixital do teu negocio.
2. Análise da estrutura de custos, comisións e demanda.
3. Canles de venda.
4. Políticas para incentivar as reservas directas.

O obradoiro será impartido por Patricia Cabaleiro, postgraduada en Turismo pola Universidade de Santiago de Compostela con máis de 10 anos de experiencia no sector turístico. Xestionando aloxamentos, creando paquetes, produtos e presenza das marcas en redes sociais. Apaixonada da fotografía e o márketing dixital.