Eventos

Buscador

    a
Obradoiro telemático a través de Zoom

Cando comezamos no mundo da fotografía temos que ter en conta moitas cousas, desde o formato empregado, ata a luz e como afecta a nosa fotografía, hai moitos elementos que non se poden deixar ao azar e que podemos controlar para facer o tipo fotografía que queremos e do xeito que precisamos.
Neste obradoiro imos ver técnicas, características e composicións que podemos levar a cabo ao sacar as nosas fotografías, xa sexa cun teléfono móbil ou coa nosa cámara máis profesional. Aprenderemos que podemos controlar dentro do marco da fotografía para ser o máis creativos posibles e deste xeito facer unha fotografía interesante e que chame a atención.
Obradoiro telemático a través de Zoom.

Hoxe en día triunfa o contido efémero nas redes sociais: contidos numerosos, de consumo rápido e cunha calidade inferior á do contido permanente. Por que se fixo tan popular este formato? Neste taller responderemos a estas preguntas e coñeceremos como crear este tipo de contido a través das Historias ( Stories) de Facebook e Instagram, sempre integrados na nosa estratexia de márketing.

Índice de contidos:
• Importancia do contido efémero en RRSS: As " Stories"
• Facebook Stories
• Instagram Stories
• Estratexia de contidos

O obradoiro será impartido por Laura Carrera, Graduada en Publicidade e Relacións Públicas e Postgraduada en Dirección de Comunicación Corporativa, que conta cunha ampla experiencia asesorando empresas de diversos sectores no ámbito da comunicación e o marketing dixital.
Obradoiro telemático a través de Zoom.

O mundo dixital representa un modelo de negocio e un crecemento empresarial. Por que este potencial non o poden empregar tamén asociacións, fundacións, cooperativas ou empresas con fins sociais?
Neste taller revisaremos as principais estratexias en liña, as ferramentas e as canles máis axeitadas dispoñibles para as entidades do terceiro sector para funcionar no contorno dixital, atendendo aos seus principais obxectivos e necesidades.

1. Introdución.
2. Obxectivos e particularidades do terceiro sector no ámbito dixital.
3. Estratexias e canles de captación, captación de fondos e imaxe corporativa.
4. Ferramentas.
5. Exemplos de éxito.

O obradoiro será impartido por Adrián Fernández, Licenciado en Comunicación Audiovisual pola Universidade de Barcelona e cunha ampla experiencia e traxectoria profesional asesorando empresas de diversos sectores no ámbito da comunicación dixital e o márketing en liña.
Obradoiro telemático a través de Zoom.

A AI aplicada ao recoñecemento de imaxes é un dos campos de aplicación máis interesantes desta tecnoloxía.
Iniciamos un novo itinerario formativo de Intelixencia Artificial cun formato mixto de tres talleres en liña e dúas prácticas presenciais no FAB LAB de Barro.
O obxectivo deste novo itinerario é o de iniciarse nos procesos de clasificación de imaxes empregando unha rede neuronal –ResNet 18 – e unha placa de desenvolvemento Jestson Nano.
Veremos en liña os conceptos necesarios e realizaremos 2 prácticas de 3 h. cada unha coa intención de que o usuario sexa capaz de configurar unha rede neuronal para as tarefas de clasificación de imaxes, recoñecemento de expresións faciais e o movemento autónomo dun robot de adestramento.
Expedirase un diploma de asistencia ao itinerario para o cal será necesario asistir ao 100% dos talleres.

1. Robótica con sensores
2. Robótica con AI
3. Clasificación de imágenes para evitar colisiones
4. Regresión de imágenes para seguir un camino

O obradoiro será impartido por Manuel Freire, Experto Universitario en Robótica, Programación e Impresión 3D con máis de 4 anos de experiencia impartindo talleres de formación.
Obradoiro telemático a través de Zoom.

Tes un sitio web que os usuarios visitan, pero as solicitudes de orzamento, as chamadas, as vendas, non chegan ou son menos das esperadas. A nosa web ou tenda en liña é unha ferramenta para conseguir unha serie de obxectivos como profesional ou empresa. Se non os estamos conseguindo é necesario saber por que e como podemos solucionalo. Aquí entra en xogo o CRO ( Conversion Rate Optimization ou Optimización do Cociente de Conversión). Neste obradoiro analizaremos este concepto, saberemos identificar porqué os usuarios non converten no noso sitio web e aprenderemos técnicas básicas, pero infalibles, para transformar visitantes en clientes.

O obradoiro será impartido por Esther Garcinuño, Diplomada en Ciencias Empresariais, coa especialidade de márketing e dirección comercial, pola Universidade de Vigo e Enxeñeira Técnica en Informática de Xestión pola Universidade da Coruña, con máis de 8 anos de experiencia en deseño, desenvolvemento e dirección de proxectos web.
Obradoiro telemático a través de Zoom.

Neste obradoiro faremos unha breve introdución ao Copywriting e as técnicas de escritura que podemos aplicar para crear textos que vendan mellor os teus servizos. Trátase de utilizar palabras que conecten cos viaxeiros e así poidas convertelos en clientes do teu destino, aloxamento ou actividade turística que organices. Estes textos serán un dos elementos máis importantes na túa estratexia de comunicación dixital.

Índice de contidos:

-Que é o copywriting?
-Beneficios que achega ao teu negocio
-Técnicas e pasos a seguir
- Exemplo e boas prácticas

O obradoiro será impartido por Patricia Cabaleiro, postgraduada en Turismo pola Universidade de Santiago de Compostela con máis de 10 anos de experiencia no sector turístico. Xestionando aloxamentos, creando paquetes, produtos e presenza das marcas en redes sociais. Apaixonada da fotografía e o márketing dixital.
Obradoiro en liña a través de Zoom.

O sector turístico evolucionou de forma rápida nos últimos anos dando resposta ás necesidades, preferencias e tendencias da sociedade, e entre elas destaca o turismo Petfriendly. Cada vez son máis as persoas que desexan viaxar coa súa mascota e estas persoas consideran fundamental que a súa mascota poida aloxarse na mesma habitación e acompañalos o máximo posible durante a viaxe. Trátase dun nicho de mercado cuxo auxe propicia o desenvolvemento dunha oferta especializada con infraestruturas, recursos, espazos. Por iso deseñar novas actividades e servizos pode supoñer unha oportunidade de chegar a novos clientes, desestacionalizar e mellorar o rendemento do noso proxecto turístico. Este obradoiro está dirixido a empresas turísticas de aloxamento, restauración diversos servizos de lecer e animación, axencias de viaxe, para viaxeiros, turistas e poboación local.

Índice de contidos: 
. Introdución 
. Análise da oferta e da demanda de turismo Pet Friendly
. Introdución ao marco legal. 
. Desenvolver unha proposta de servizos turísticos Pet Friendly 
. Boas prácticas e casos de éxito

O obradoiro será impartido por Sonia Torres, Técnica de Empresas e Actividades Turísticas pola Universidade da Coruña con posgrao en Xestión e Dirección de Empresas Turísticas pola Universidade de Santiago de Compostela. Nos últimos anos traballou como Técnico de dinamización turística e como docente de certificados de profesionalidade na área de turismo.
Obradoiro telemático a través de Zoom.

Durante esta xornada comprenderemos as posibilidades que ofrece WordPress, aprenderanse os pasos para crear un sitio web con este CMS e profundarase no deseño, desenvolvemento e xestión da páxina para conseguir un sitio web profesional e optimizado.

Índice de contidos:
1- Instalación de WordPress
2- Configuración básica
3- Manexo dos temas
4- Engadir entradas ao blogue
5- Engadir páxinas
6- Xestión de plugins e widgets
7- Xestionar comentarios
8- Actualizacións
9- Formularios
10- Copias de seguridade

Nivel: intermedio

O obradoiro será impartido por María Aller, Licenciada en Publicidade e Relacións Públicas pola Universidade de Vigo, cun postgrado en Comunicación Corporativa pola Universidade da Coruña e un master en marketing dixital pola UCM, con máis de 3 anos de experiencia en marketing dixital e ecommerce.