No contexto actual a transformación dixital acelerouse no sector da hostelaría. As ferramentas dixitais convertironse nun aliado imprescindible para a reapertura e competitividade dos establecimentos de restauración. Reduceuse o aforo, non podemos entregar a carta, é necesario evitar o contacto físico, etc polo que necesitamos implementar novas ferramentas que nos faciliten formulas seguras, confiables e a  vez sinxelas e  áxiles.

Con solucións para a promoción, comercialización e distribución, a xestión, a seguridade, a operativa e a experiencia dos usuarios teñen aflorado multitude de aplicacións, programas de softwere e canles de comercialización online que chegaron para integrarse no noso día a día.

Contidos:
Cartas dixitais
Motores de reservas 
Delivery e take away
Ferramentas de pago
Outras iniciativas de interese.

O obradoiro será impartido por Sonia Torres, Técnica de Empresas e Actividades Turísticas pola Universidade da Coruña con posgrao en Xestión e Dirección de Empresas Turísticas pola Universidade de Santiago de Compostela. Nos últimos anos traballei como Técnico de dinamización turística e como docente de certificados de profesionalidade na área de turismo.

Con Onshape iniciamos unha serie de talleres formativos en liña.

Onshape é un software de debuxo 3D na nube, dispón dunha interface sinxela e intuitiva que facilita a súa aprendizaxe, execútase nunha navegador web e dispón dunha versión gratuíta. O obxectivo con estes talleres é o de aprender o manexo do software mediante a realización de distintos debuxos que iremos realizando paso a paso.

O obradoiro será impartido por Manuel Freire, Experto Universitario en Robótica, Programación e Impresión 3D con máis de 4 anos de experiencia impartindo talleres de formación.

Daremos a coñecer a ferramenta Whatsapp Business. Trátase da versión orientada a empresas da popular aplicación de mensaxería Whatsapp. Con esta app móbil, as empresas e negocios poden interactuar cos seus clientes dunha forma sinxela e profesional, xa que incorpora novas funcionalidades para organizar, automatizar e responder rapidamente as mensaxes.

O obradoiro será impartido por José Luis Taboada, inxeneiro Informático con máis de 20 anos de experiencia, e especializado en sistemas informáticos.

Sabes que o footer é un elemento imprescindible en calquera páxina web? Neste obradoiro online poderás coñecer cómo sacarlle o mellor partido a esta sección, a cal a maioría das veces non se lle presta a atención e pasa inadvertida. Coñecerás que é o footer, elementos a inserir e consellos para optimizalo.

O obradoiro será impartido por Fátima Faílde, Licenciada en Publicidade e Relacións Públicas pola Universidade de Vigo, cun posgraduado en Comunicación e Industrias Creativas pola Universidade de Santiago de Compostela e con experiencia en comunicación corporativa, deseño gráfico e Imaxe corporativa.

O obxectivo deste taller será optimizar e profesionalizar a túa páxina de Facebook como os profesionais. É recomendable ter unha páxina creada xa que, a partir dela, profundaremos nos temas clave nos que debemos traballar para que teña maior visibilidade

1) Alcance en Facebook: Que é e como melloralo
2) Píxel de Facebook.
3) Facebook Messenger e BOT de Messenger
4) Botón de WhatsApp en Facebook
5) Mellores ferramentas para crear imaxes en Redes Sociais
6) Insignias e verificación
7) Crear sorteos e concursos con Facebook

O obradoiro será impartido por Laura Carrera, Graduada en Publicidade e Relacións Públicas e Postgraduada en Dirección de Comunicación Corporativa, que conta cunha ampla experiencia asesorando empresas de diversos sectores no ámbito da comunicación e o marketing dixital.

Hoxe en día triunfa o contido efémero nas redes sociais: contidos numerosos, de consumo rápido e cunha calidade inferior á do contido permanente. Por que se fixo tan popular este formato? Neste taller responderemos a estas preguntas e coñeceremos como crear este tipo de contido a través das Historias ( Stories) de Instagram, sempre integrados na nosa estratexia de márketing.

Índice de contidos:
• Importancia do contido efémero en RRSS: As " Stories"
• Instagram Stories
• Estratexia de contidos

O obradoiro será impartido por Adrián Fernández, Licenciado en Comunicación Audiovisual pola Universidade de Barcelona e cunha ampla experiencia e traxectoria profesional asesorando empresas de diversos sectores no ámbito da comunicación dixital e o márketing online.

Cando iniciamos un proxecto temos que ter en conta a parte máis visual do noso futuro negocio, pero a medida que evolucionemos como marca, a nosa identidade definirannos cara ao noso público obxectivo.
Neste obradoiro faremos un percorrido por todos os puntos a tocar para crear a túa marca, e como definir a nosa estética, deste xeito recoñecerannos máis facilmente e transmitiremos unha serie de valores para os que queremos ser recoñecidos.
Recomendacións para escoller o nome da nosa empresa, incluso aplicacións visuais e como adaptar a nosa imaxe de marca a elementos visuais e de márketing.

O obradoiro será impartido por Lara Taboada, Titulada Superior en Ensinos Artísticos de Deseño Gráfico, con experiencia en fotografía de produto e composición fotográfica creativa.

O mercado de aluguer vacacional está en auxe e pode ser unha boa oportunidade de negocio para os propietarios de vivivendas e apartamentos. É necesario unha xestión con novas estratexias de comercialización e márketing en liña para aumentar as reservas e o beneficio que xeran as mesmas aos empresarios.

Índice de contidos:

• Clasificación e requisitos legais
• Plataformas de comercialización en liña
• Reservas e Check-in en liña
• Como mellorar a experiencia do usuario

O obradoiro será impartido por Sonia Torres, Técnica de Empresas e Actividades Turísticas pola Universidade da Coruña con posgrao en Xestión e Dirección de Empresas Turísticas pola Universidade de Santiago de Compostela. Nos últimos anos traballou como Técnico de dinamización turística e como docente de certificados de profesionalidade na área de turismo.

Onshape é un software de debuxo 3D na nube, dispón dunha interface sinxela e intuitiva que facilita a súa aprendizaxe, execútase nunha navegador web e dispón dunha versión gratuíta. O obxectivo con estes talleres é o de aprender o manexo do software mediante a realización de distintos debuxos que iremos realizando paso a paso.

O obradoiro será impartido por Manuel Freire, Experto Universitario en Robótica, Programación e Impresión 3D con máis de 4 anos de experiencia impartindo talleres de formación.

Obradoiro telemático a través de Zoom

Este obradoiro dirixido a pemes e autónomos tratará de mostrar os pasos necesarios a seguir para que unha idea se converta nun negocio. Veremos a importancia de xerar unha marca rodeada de valores que nos fagan únicos e identificables no mercado e como seguir unha estratexia para alcanzar o noso obxectivo. Tamén veremos a importancia de atender a unha serie de consideracións iniciais para minimizar os riscos.
Contidos:
• Definir o modelo de negocio
• Branding
• Ferramentas para usar
• A estratexia de contido
• Análise dos resultados
• A comunidade e a miña reputación en liña

O obradoiro será impartido por José Luis Taboada, inxeneiro Informático con máis de 20 anos de experiencia, e especializado en sistemas informáticos.

Inscricións a través da seguinte ligazón: