Neste obradoiro aprenderás os fundamentos legais que toda pequena empresa ou autónomo debe coñecer para cumprir coa normativa de protección de datos e evitar sancións. Explicaremos de forma sinxela o marco legal vixente (do RGPD á LOPDGDD), quen é o responsable do tratamento e cal é a súa función, e que documentación é imprescindible ter: rexistro de actividades, cláusulas de privacidade e consentimento. Tamén veremos as obrigas básicas que debes cumprir no día a día para garantir a seguridade e a legalidade no manexo da información.

Índice de contidos: 
1. Marco legal simplificado
2. Figuras clave
3. Documentación imprescindible
4. Obrigas básicas para autónomos e pemes

O obradoiro será impartido por Manuel Tornos, asesor do CPED (Centro de Desenvolvemento Industrial Informatizado) de Barro-Meis con máis de 30 anos de experiencia en TIC, experto en transformación dixital, optimización de procesos e novas tecnoloxías. Tamén é licenciado en Administración de Redes e Sistemas.