SmartPeme estará presente na XX edición de FranquiAtlántico - Actualidade
Actualidade
SmartPeme estará presente na XX edición de FranquiAtlántico
Data: luns, 24 de febreiro de 2020
Smartpeme estará presente na feira FranquiAtlántico, que se celebrará este sábado día 29 de febreiro na sede de Afundación, na rúa Policarpo Sanz, 24-26, Vigo.
Durante a feira, que se levará a cabo entre as 10:00 e as 18:00 horas, as persoas asistentes poderán visitar a caseta de Smartpeme, así como o do resto de empresas franquiadoras, consultoras, Empresas de Traballos Temporais, institucións ou colectivos empresariais… Todas elas cunha clara vocación ao asesoramento de franquías, así como a novas ou futuras persoas emprendedoras.
Nesta nova edición, refórzase a aposta polos conceptos de negocio en franquía, deseñados para as persoas emprendedoras que desexan ter o seu propio negocio en formato autoemprego, xa que cada vez é maior o número de persoas que deciden emprender.
Unha vez máis, FranquiAtlántico (cuxo ámbito de influencia é Galicia, Asturias, León, Zamora e o norte de Portugal), converterase no centro do negocio franquiador e no punto de unión entre empresas e futuros franquiados, asociacións e organismos referentes no sector.
Entre os sectores representados en FranquiAtlántico atópanse o lecer e o entretemento, hostalería e restauración, alimentación, moda, rotulación e impresión, saúde e benestar, telefonía e telecomunicacións, xoiería, perfumería, servizos, consultoría e outras actividades emerxentes.
Ademais, a feira contará coa área do Emprendedor na Era Dixital. Un espazo dedicado a relatorios, talleres, mesas, coloquios e outras diversas actividades onde se dispoñerá dos medios e os mellores profesionais para desenvolver esa maridaxe entre as franquías, emprego e o novo mundo dixital.

Fonte: SmartPeme
Rexistro
« | Agosto 2025 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
- Obradoiro de Canva para Hostelería: Menús e contido para redes01 de setembro de 2025 11:00Máis información
- Impresión 3D no 2025, Slicers actuais 4/4, OrcaSlicer03 de setembro de 2025 12:00Máis información
- Google Analytics para a toma de decisións04 de setembro de 2025 12:00Máis información
- Fotografía e vídeo para redes sociais08 de setembro de 2025 12:00Máis información
- Deseño 3D online con OnShape 3, Profundizando no deseño09 de setembro de 2025 12:00Máis información
- Márketing social: estratexias dixitais para entidades do terceiro secto10 de setembro de 2025 12:00Máis información
Lenda:
Evento Aberto
Evento Pechado/Cancelado
Inscrito a este evento