A importancia da identidade de marca para a túa empresa - Actualidade
Actualidade
« Atrás
A importancia da identidade de marca para a túa empresa
Data: venres, 15 de maio de 2020
Cando estamos a piques de comezar un proxecto empresarial, temos claro onde imos comezar, que vai facer a miña empresa, que vou vender e inclusive estamos pensando en como imos sacar proveito desta actividade, pero unha vez que teñamos estas premisas claras, como imos transmitilo á nosa audiencia?
Despois de facernos esta pregunta, é onde entra en acción o deseño da nosa identidade de marca. É un dos aspectos máis importantes do noso proxecto e que ás veces pasa desapercibido ou non lle damos importancia. Non debemos deixar fóra esa parte visual xa que forma parte da nosa vida cotiá sen apenas notar a súa presenza. A estética e a identidade de marca é algo que vemos en carteis, letreiros, televisión, redes sociais e incluso nos supermercados.
O deseño gráfico estivo connosco dende o comezo dos tempos, transmitindo ideas, convencéndonos e influíndo na nosa mente de xeito que nin sequera entendiamos, por iso é moi importante traballar os aspectos visuais da nosa empresa, sempre sabendo que quero transmitir e a quen.
Por onde comezar o deseño da nosa empresa:
LOGO: Pénsase que o logotipo debe ter todo o peso da identidade de marca, todo o que queremos transmitir, todo o que queremos comunicar... ERROR.
O logotipo é unha ferramenta de acción directa, onde debemos simplificar e transmitir do xeito máis sinxelo posible os aspectos máis básicos do proxecto a través de tipos de letra, símbolos e cores lexibles.
IDENTIDADE DE MARCA: A marca engloba outros aspectos dunha empresa ou proxecto, desde as cores corporativas ata o tipo de estética, podendo ser máis sinxela ou ornamentada. Son cousas que empregaremos nas aplicacións da nosa marca dende a páxina web, publicidade, accións de marketing, packaging e papelería (se temos), son espazos visuais que podemos aproveitar para a nosa marca.
Implementar o logotipo sempre que poidamos é moi importante, incluso a través do estilo fotográfico da compañía. Conséguese algo xenuíno e único que está asociado á nosa marca.
Seguimos co exemplo de Nike e como transporta ese minimalismo en cores e fontes ás súas accións de publicidade e marketing, así como esa mensaxe de movemento e dinamismo, a cal podemos ver no estilo das fotografías que usa, incluída nalgúns elementos gráficos como o texto dos carteis.
No caso destes dous carteis, aínda que non se vise o logotipo de Nike, pódese deducir que marca promoven, só pola sinxeleza e estética das fotografías. Esa é a identidade da marca, xa que combinando todos os elementos que forman algo visual, comunicamos unha mensaxe moi específica a un grupo de persoas que nos interesa.
O propósito de crear unha identidade visual é recoñecer que, seguindo un aspecto visual específico, a nosa clientela presente e futura saiban en canto vexan unha publicación, unha tarxeta ou un cartel, que pertence á nosa empresa sen necesidade de ver o logotipo.
Finalmente e como conclusión, o obxectivo que sempre debemos buscar, ao crear unha marca cunha visión a longo prazo, é que incluso a marca supere o produto, é dicir, que un pañuelo se converta nun Kleenex, que o pan rebanado se converta en pan de Bimbo ou que un donut sempre será un Donut, é algo que demostra que a nosa marca é máis coñecida que o produto orixinal dende o que parten.
Lara Taboada
Asesora SmartPeme
Fonte: SmartPeme
Rexistro
« | Xuño 2024 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
- Así funciona WhatsApp Business20 de xuño de 2024 11:00Máis información
- Social Media Listening: descobre que se di de ti nas RRSS25 de xuño de 2024 11:00Máis información
Lenda:
Evento Aberto
Evento Pechado/Cancelado
Inscrito a este evento