Neste primeiro encontro faremos unha introdución ao itinerario de ciberseguridade para PEMEs. Analizaremos as principais vías polas que pode entrar o malware na túa empresa e veremos que cambios operativos, de funcionamento e de infraestrutura son necesarios para reducir riscos e evitar consecuencias graves. Tamén repasaremos as medidas de contención máis efectivas e presentaremos os talleres que completarán este itinerario ao longo do mes.

Índice de contidos: 
1. Introdución ao programa e por que a ciberseguridade é un investimento, non un gasto.
2. Análise dos principais puntos de entrada do malware na empresa.
3. Que cambios operativos e de infraestrutura son urxentemente necesarios para reducir a superficie de ataque.
4. Medidas de contención eficaces para evitar consecuencias graves en caso de incidente.
5. Presentación dos obradoiros que completarán o mes e como están interconectados.

O obradoiro estará dirixido por Manuel Tornos, asesor do CPED Barro-Meis con máis de 30 anos de experiencia en TIC, experto en transformación dixital, optimización de procesos e novas tecnoloxías. Tamén é administrador de redes e sistemas.