VI Aceleradora de Empresas do Sector Turístico - Actualidade
Actualidade
« Atrás
VI Aceleradora de Empresas do Sector Turístico
Data: martes, 21 de novembro de 2023
![](/documents/10180/0/Aceleradora+de+Turismo+II.png/6cfe8ba2-6c99-4f0b-8807-8554ad82450e?t=1700566963339)
Tras o éxito das cinco edicións anteriores, a Deputación de Pontevedra, a través de Smartpeme, presenta a "VI aceleradora de empresas do sector turístico". Esta sexta aceleradora consiste na realización dun roteiro formativo no uso das TIC centradas no sector turístico, darase formación en técnicas que melloren a estratexia de imaxe dos establecementos e, tamén, levarán a cabo asesoramentos individuais con persoas asesoras especializadas no turismo e nas TIC.
A quen vai dirixido?
A VI Aceleradora de empresas do sector turístico está dirixida a pemes, persoas autónomas e persoas emprendedoras da provincia de Pontevedra, con negocios que desexen reorientar ou poñer en marcha a súa actividade en liña; así como persoas cun proxecto empresarial ligado ao sector turístico ou cunha actividade vinculada ao mesmo en fase temperá de desenvolvemento ou cun alto potencial de crecemento.
Actividades
A VI Aceleradora de empresas do sector turístico seguirá as seguintes fases e actividades:
![](/documents/10180/0/Formaciones+turismso+II.png/fe5f2bdd-0904-476c-9565-a87ae50949e3?t=1700567390102)
Proceso de selección de participantes
Co fin de conseguir unha correcta selección das persoas participantes desta VI Aceleradora de empresas do sector turístico, o Comité de Avaliación do proxecto Smartpeme realizará unha preselección entre os proxectos en base á documentación presentada polas persoas interesadas e por cada un dos criterios de valoración que están recollidos nas bases:
1. Memoria do proxecto: Os interesados terán que cumprimentar, xunto coa solicitude, un formulario de memoria do proxecto, cunha extensión máxima de 5 páxinas que deberá conter:
- Obxectivo do proxecto
- Misión, visión e valores
- Actividade que realiza (no que se especifique por que se considera un modelo de negocio innovador no caso de selo; que elementos innovadores e tecnolóxicos incorpóranse, no caso de incorporalos; por que é escalable dixitalmente, no caso de selo; e por que xera impacto na provincia de Pontevedra, en caso de xeralo)
- Descrición do produto/servizo
- Que pretende alcanzar coa súa participación na VI Aceleradora de empresas do sector turístico
2. Perfil das persoas participantes: Presentación do equipo participante e da persoa delegada para a asistencia ao programa.
Unha vez completada a preselección, os membros do equipo técnico de Smartpeme e o Comité de Avaliación realizarán unha pequena entrevista a aqueles proxectos preseleccionados co fin de coñecer e avaliar en detalle o seu potencial de negocio, implicación e necesidades para abordalo.
Unha vez realizadas as entrevistas e realizado o informe final, o Comité de Avaliación seleccionará a un máximo de 8 proxectos participantes na aceleradora. A resolución definitiva dos proxectos seleccionados publicarase tanto na web de Smartpeme como na da Deputación de Pontevedra e será comunicada á interesados vía correo electrónico.
Calquera aclaración respecto ás bases ou discrepancia debe ser remitida mediante correo electrónico á dirección info.smartpeme@depo.es.
Prazo de presentación
O prazo de inscrición permanecerá aberto ata o próximo 11 de decembro ás 23:59 horas, non considerándose ningunha candidatura presentada fóra de prazo.
Polo que, se estás interesado en participar, fai clic AQUÍ.
Período lectivo
As actividades do Programa executaranse entre o 14 de decembro e o 15 de febreiro.
Preferentemente priorizaranse os asesoramentos de forma telemática, aínda que existirá a posibilidade de realizar asesoramentos de forma presencial en función das necesidades da persoa usuaria.
Para inscribirse ou consultar calquera dúbida poderá contactar co equipo do proxecto en:
Smartpeme Pontevedra
Email: info.smartpeme@depo.es
Teléfono: 886 202 020
Fonte: SmartPeme
Rexistro
« | Setembro 2024 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 |
- ChatBot, a automatización da atención ao cliente19 de setembro de 2024 11:00Máis información
- Primeiros pasos coa Administración Electrónica30 de setembro de 2024 11:00Máis información
Lenda:
Evento Aberto
Evento Pechado/Cancelado
Inscrito a este evento