Turismo virtual - Actualidade
Actualidade
Turismo virtual
Data: venres, 17 de abril de 2020

Polo momento, todos nós debemos permanecer nos nosos domicilios mentres se manteña o estado de alarma, nun esforzo colectivo para minimizar a expansión e o impacto do coronavirus.
Ao redor do mundo e na provincia de Pontevedra, museos, mosteiros, teatros, hoteis, monumentos, etc., están a abrir unha xanela virtual para que poidas visitalos e coñecer o que ofrecen.
A través da realidade virtual e a visualización de vídeos podemos mitigar o peche, lembrando os lugares nos que estivemos e inspirándonos e inspirando aos nosos visitantes sobre os lugares que poderían coñecer.
Tanto o vídeo márketing como o márketing de realidade virtual poden axudar, e moito, a impulsar os teus esforzos na promoción do teu establecemento turístico e do destino ao que pertences. O contido en vídeo pódese compartir facilmente a través de plataformas como Facebook, Instagram e Youtube e goza dun gran interese e interacción por parte dos usuarios. Nestes vídeos podes compartir puntos de interese, visitas ás diferentes áreas do teu establecemento e, en especial, a aquelas que che diferencian, como festas, presentar a xente local falando do destino, empregados falando sobre o establecemento, etc.
O equipo necesario para crear o teu primeiro vídeo de realidade virtual non ten por que ser custoso, posto que todo o que necesitas é unha boa cámara que poida tomar fotos de 360º.
O márketing de realidade virtual vai máis aló e facilita que o público obxectivo do teu establecemento experimente aspectos do destino desde a comodidade do seu fogar. Podes empezar cun percorrido virtual pola terraza ou xardín, por todo o teu hotel ou casa rural e, co tempo, estendelo a unha experiencia ou actividade de aventura na contorna, a vista desde un dos impresionantes miradoiros que temos nas Rías Baixas, o teu atardecer favorito, unha cata, a degustación dun prato típico, etc.
Outros exemplos que poderían ser do teu interese:
Facebook Museo de Pontevedra: https://www.facebook.com/MuseoPontevedra/
Turismo de Galicia: https://www.turismo.gal/planifica-a-tua-viaxe/visitas-virtuais?langId=es_ES
Facebook Turismo de Galicia: https://www.facebook.com/Turgalicia
Facebook Turismo Rías Baixas: https://www.facebook.com/turismoriasbaixas/
Sonia Torres.
Asesora TurisTIC
Fonte: SmartPeme
Rexistro
« | Agosto 2025 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
- Obradoiro de Canva para Hostelería: Menús e contido para redes01 de setembro de 2025 11:00Máis información
- Impresión 3D no 2025, Slicers actuais 4/4, OrcaSlicer03 de setembro de 2025 12:00Máis información
- Google Analytics para a toma de decisións04 de setembro de 2025 12:00Máis información
- Fotografía e vídeo para redes sociais08 de setembro de 2025 12:00Máis información
- Deseño 3D online con OnShape 3, Profundizando no deseño09 de setembro de 2025 12:00Máis información
- Márketing social: estratexias dixitais para entidades do terceiro secto10 de setembro de 2025 12:00Máis información
Lenda:
Evento Aberto
Evento Pechado/Cancelado
Inscrito a este evento