II Gala Premios de Emprendemento SmartPeme - Actualidade
Actualidade
« Atrás
II Gala Premios de Emprendemento SmartPeme
Data: martes, 07 de maio de 2024
Por segundo ano, a Deputación de Pontevedra organiza a través de SmartPeme a II Gala de Premios de Emprendemento. Unha xornada que pon punto final a un itinerario de actividades complementarias ligadas ao emprendemento que se levaron a cabo ao longo deste último ano.
O evento terá lugar o vindeiro xoves 9 de maio no Salón de Plenos do Pazo Provincial da Deputación de Pontevedra (Avda. Montero Ríos, s/n, 36071 Pontevedra). Comezará ás 19:00 horas (ás 18:30 horas realizarase a recepción das persoas asistentes) coa apertura e finalizará ás 20:00 horas cun petisco networking.
Durante este evento, revelaranse os cinco finalistas que aspiran ao premio á mellor iniciativa empresarial SmartPeme e, coa valiosa participación do público, poderase votar pola iniciativa que se considere gañadora. O gañador deste premio recibirá un bono que poderá utilizar para acceder a unha formación valorada en ata 3.000 euros.
Ademáis, contaremos coa exposición de Mercedes e Carmen, creadoras de LMDI Collection (Las Merceditas de Iria), quen compartirá connosco as súas vivencias e desafíos que supón emprender. Para rematar, compartirase un petisco networking.
A continuación, indicámosvos o programa da xornada:
- 18:30:Recepción de persoas asistentes
- 19:00: Apertura da II Gala de Premios de Emprendemento
- 19:05: Vídeo dos proxectos finalistas e votacións dos asistentes
- 19:15: Paso ao relatorio de Mercedes e Carmen, fundadoras da empresa Las Merceditas de Iria e LMDI Collection.
- 19:45: Entrega do premio da II Gala de Emprendemento con intervención do gañador ou gañadora. Peche institucional.
- 20:00: Petisco networking
Esperámoste! Non esquezas inscibirte facendo clic aquí.
Fonte: SmartPeme