Google deixa sen soporte a Huawei tras o veto de Trump - Actualidade
Actualidade
Google deixa sen soporte a Huawei tras o veto de Trump
Data: martes, 21 de maio de 2019
Os móbiles Huawei poderían quedar obsoletos en moi pouco tempo tras a ruptura coa gran tecnolóxica americana Google, de maneira que os smartphones de Huawei non poderán actualizar o sistema operativo co que operan, Android. Tampouco poderán descargarse aplicacións e servizos populares como Youtube ou Google Maps ou todas aquelas que se incorporen á tenda de Google Play Store nas próximas versións.
O goberno de Donald Trump incluiu o pasado xoves de forma oficial a Huawei nunha lista negra comercial, o que supuxo de maneira inmediata restriccións que complicarán ao xigante tecnolóxico chinés nos seus negocios con compañías estadounidenses. Do mesmo xeito, os principais fabricantes de procesadores coma Broadcom, Intel ou Qualcomm xa informaron aos seus empregados que deixarán de manter relacións con Huawei ata novo aviso.
Tras ser confirmada esta ruptura comercial pola axencia internacional Reuters, a empresa asiática deixará de ter respaldo técnico e colaborativo con Google para os seus servizos e os de Android. Huawei, de momento terá acceso á versión de Android dispoñible a través de licenzas de código aberto, dispoñibles para calquera usuario que queira usalas.
A gran tecnolóxica chinesa, liderada por Ren Zhengfei, é a que lidera a venda de teléfonos móviles en Europa. Segundo o informe Chinese Global Brand Builders 2019, presentado por Kantar Media, destaca que un de cada cinco móviles foi vendido en Europa, pero non é o único smartphone chinés que se atopa no mercado, Xiaomi e Honor están moi preto.
Huawei, a través dun comunicado, deféndese como un aliado clave no desenvolvemento do sistema operativo Android. Respecto ás actualizacións, Huawei explica que manterá as de seguridade e servizos postventa, aínda que non ven a especificar que pasará coas actualizacións próximas de Android.
Fátima Faílde
Asesora SmartPeme
Fonte: SmartPeme
Rexistro
« | Agosto 2025 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | 2 | 3 | ||||
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |
- Obradoiro de Canva para Hostelería: Menús e contido para redes01 de setembro de 2025 11:00Máis información
- Impresión 3D no 2025, Slicers actuais 4/4, OrcaSlicer03 de setembro de 2025 12:00Máis información
- Google Analytics para a toma de decisións04 de setembro de 2025 12:00Máis información
- Fotografía e vídeo para redes sociais08 de setembro de 2025 12:00Máis información
- Deseño 3D online con OnShape 3, Profundizando no deseño09 de setembro de 2025 12:00Máis información
- Márketing social: estratexias dixitais para entidades do terceiro secto10 de setembro de 2025 12:00Máis información