Woocommerce é unha ferramenta moi sinxela e intuitiva que permite poder montar unha tenda  online cunha catálogo non moi amplo. É un   plugin de  WordPress de código aberto e gratuíto que che permitirá realizar e ter a túa tenda  online. Neste taller ensinámosche a instalalo, ver todas as súas características, pasarelas e formas de pago, así como incluír produtos e xestionar pedidos. 

Índice de contidos:
- Elementos a ter en conta.
- Instalación de  Woocommerce e consideracións importantes.
- Configuración de  Woocommerce.
- Produtos Simples.
- Produtos Agrupados.
- Produtos Externos/Afiliados.
- Produtos Variables.
-  Plugins (seguridade, pedidos, campos…).

O obradoiro será impartido por Esther Garcinuño, Diplomada en Ciencias Empresariais, coa especialidade de mercadotecnia e dirección comercial, pola Universidade da Coruña e Enxeñeira Técnica en Informática de Xestión pola Universidade de Vigo, con mais de 8 anos de experiencia en deseño, desenvolvemento e dirección de proxectos web.