Este obradoiro será presencial no Centro ExpoSalnés (Paseo da calzada s/n; 36630 - Cambados)

Nesta segunda parte do obradoiro, buscamos afondar no uso de Make para levar as nosas automatizacións a un nivel intermedio. Centrarémonos en conceptos e ferramentas avanzadas como iteradores, webhooks, bases de datos, control de fluxo, variables e funcións, así como na aplicación de novos axentes de Intelixencia Artificial.

O obxectivo é formar profesionais e líderes empresariais para que poidan deseñar automatizacións máis completas, dinámicas e eficientes que optimicen os procesos e melloren a toma de decisións nas súas organizacións.

Índice de contidos:

1. Iteradores e agregadores
2. Webhooks, entrada e saída
3. Base de datos e aplicación en Make
4. Ferramentas de control de fluxo
5. Uso de variables e funcións en Make
6. Como usar os novos axentes de IA en Make
7. Custos

O obradoiro será impartido por Jose Luis Taboada, asesor da OAPR Cambados con máis de 25 anos no sector e especializado en sistemas informáticos.