Dende que a aplicación española Bizum aterrase en España no 2016, o número de descargas non parou de crecer exponencialmente. Cada vez son máis os clientes que confían neste sistema de pago entre particulares, que transferiu máis de 700 millóns de euros. O seu funcionamento sinxelo, rápido e totalmente gratuíto, é sen dúbida a clave do éxito da compañía, algo que outras empresas comezaron a imitar.

 

Mark Zuckerberg confirmou recentemente que, durante o primeiro semestre deste ano, a súa compañía lanzará un novo servizo de pago totalmente revolucionario. WhatsApp Pay é a gran aposta de Facebook para este ano 2020, permitindo aos usuarios do servizo de mensaxería móbil enviar pagos inmediatos aos seus contactos sen ningún tipo de custo e de maneira rápida e sinxela. A aplicación incluirá este servizo entre as súas funcións de achegar imaxes ou compartir a localización. Con tan só un click, poderemos enviar o importe que desexemos aos nosos contactos sen ningún tipo de custo por transacción.

 

Esta nova función integrada no chat móbil, tan só necesitará estar vinculada a unha conta bancaria ou unha tarxeta de crédito autorizada, tanto por parte do que envía o diñeiro como o que o recibe. Configúrase unha única vez e de maneira sinxela, polo que o uso desta nova función de WhatsApp prevese que a usen todos os usuarios. 

 

Moitos expertos afirman que o diñeiro real ten os seus días contados e, con noticias como estas, fannos pensar que están no certo. Viviremos en persoa o fin do diñeiro físico como o coñecemos hoxe en día? Só o tempo no lo dirá.