Convocatoria III edición Desenvolvemento de Solucións Innovadoras - Actualidade
Actualidade
« Atrás
Convocatoria III edición Desenvolvemento de Solucións Innovadoras
Data: martes, 25 de abril de 2023
Co obxectivo de continuar impulsando a innovación e talento da provincia de Pontevedra, a Deputación de Pontevedra, no marco do proxecto SmartPeme, presenta a III edición do Desenvolvemento de Solucións Innovadoras que terá lugar o 11 de maio na sede da Deputación de Pontevedra en Vigo (Rúa Eduardo Chao, 17, 36202 Vigo, Pontevedra).
Nesta ocasión, establécese unha iniciativa en forma de evento que permita, a todas aquelas persoas interesadas, participar no desenvolvemento de solucións innovadoras enmarcadas na responsabilidade social corporativa.
Organízanse, por tanto, unha serie de actividades que dan resposta á necesidade de involucrar ao ecosistema empresarial da provincia en actividades de compromiso social e fomentar este tipo de emprendemento.
A axenda detallada do evento é a seguinte:
![](/documents/10180/0/Agenda+III+DSI+GAL.png/57e1c864-b4df-4b5b-ad1f-43dc6293ae33?t=1682423998000)
Polo tanto, os relatores que participarán nesta III edición do Desenvolvemento de Solucións Innovadoras son Carlota Corzo e Guillermo Martínez.
Carlota Corzo, galega, é licenciada en Belas Artes, pero fixo do emprendemento a súa bandeira fundando Lázzaro, unha plataforma que dá seguridade ás doazóns a ONGs, por iso é polo que a revista Forbes incluíuna na lista dos 30 talentos españois de menos de 30 anos. Esta emprendedora coruñesa é, ademais, a gañadora do premio Social Mozos Máshumano.
Carlota, da man dun dos seus compañeiros de Lázzaro, Iván Saiz, será a encargada de impartir o obradoiro "Que é un NFT e como compralo". Esta sesión formativa permitirá ás persoas asistentes familiarizarse co termo NFT e o seu funcionamento.
Guillermo Martínez, madrileño, é enxeñeiro de organización industrial, diplomado en Tecnoloxía Biónica, realizou o Máster Social MBA e conta cun programa en xestión e administración de empresas. Ademais, é o fundador e director xeral de Ayúdame3D, unha organización sen ánimo de lucro que crea e entrega brazos impresos en 3D, denominados trésdesis, de maneira gratuíta a persoas con discapacidade de todo o mundo. É un referente dentro do mundo do emprendemento social, e mesmo recibiu o premio Princesa de Girona.
Neste caso, Guillermo impartirá o obradoiro "Obradoiro de construción de prótese de Axúdame3D". Nesta formación, as persoas participantes poderán coñecer o funcionamento e as vantaxes da impresión 3D como ferramenta para construír próteses que axudan a mellorar a calidade de vida da poboación de países con poucos recursos. Ademais, poderán colaborar na construción destas pezas, que serán posteriormente doadas ao proxecto de Axúdame3D.
Todas aquelas persoas interesadas en asistir á III edición do Desenvolvemento de Solucións Innovadoras, poden inscribirse facendo clic AQUÍ ata o 8 de maio ás 23:59 h. Ademáis, para calquera dúbida ou consulta poden escribir a info.smartpeme@depo.es ou chamar ao teléfono 886 202 020.
Fonte: SmartPeme
Rexistro
« | Setembro 2024 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 |
- ChatBot, a automatización da atención ao cliente19 de setembro de 2024 11:00Máis información
- Primeiros pasos coa Administración Electrónica30 de setembro de 2024 11:00Máis información
Lenda:
Evento Aberto
Evento Pechado/Cancelado
Inscrito a este evento