CONVOCATORIA DA II ACELERADORA MULTISECTORIAL DE EMPRESAS SMARTPEME - Actualidade
Actualidade
« Atrás
CONVOCATORIA DA II ACELERADORA MULTISECTORIAL DE EMPRESAS SMARTPEME
Data: luns, 15 de maio de 2023
A Deputación de Pontevedra, a través de SmartPeme, presenta a II Aceleradora Multisectorial de Empresas SmartPeme. Esta segunda aceleradora ten como obxectivo prestar apoio e guía na mellora e optimización dos recursos das empresas mediante a incorporación de novas tecnoloxías, de forma que poidan mellorar a súa competitividade.
A quen vai dirixido?
A II Aceleradora Multisectorial de Empresas SmartPeme está dirixida a PEMES, persoas autónomas e emprendedoras da provincia de Pontevedra, que desexen reorientar o seu negocio ou poñer en marcha a súa actividade en liña; así como persoas cun proxecto empresarial ligado a calquera sector en fase temperá de desenvolvemento ou cun alto potencial de crecemento e con dispoñibilidade e compatibilidade para seguir as accións formativas propostas.
Actividades
A II Aceleradora Multisectorial de Empresas SmartPeme seguirá as seguintes fases e actividades:
![](/documents/10180/0/Actividades+II+Aceleradora+Multisectorial+de+Empresas+GAL.png/96127eba-2fa2-4f4b-8bda-3dcbafdfaaff?t=1684140864000)
Proceso de selección de participantes
Co fin de conseguir unha correcta selección das persoas participantes desta II Aceleradora Multisectorial de Empresas SmartPeme, o Comité de Avaliación do proxecto SmartPeme realizará unha preselección entre os proxectos en base á documentación presentada polas persoas interesadas e por cada un dos criterios de valoración que están recollidos nas bases.
1. Memoria do proxecto: Os interesados terán que cumprimentar, xunto coa solicitude, un formulario de memoria do proxecto, cunha extensión máxima de 5 páxinas que deberá conter:
- Obxectivo do proxecto.
- Misión, visión e valores.
- Actividade que realiza.
- Descrición do produto/servizo.
- Que pretende alcanzar coa súa participación na II Aceleradora de Empresas Smartpeme.
2. Perfil das persoas participantes: Presentación do equipo participante e da persoa delegada para a asistencia ao programa.
Unha vez completada a preselección, os membros do equipo técnico de Smartpeme e o Comité de Avaliación realizarán unha pequena entrevista a aqueles proxectos preseleccionados co fin de coñecer e avaliar en detalle o seu potencial de negocio, implicación e necesidades para abordalo.
Unha vez realizadas as entrevistas, o Comité de Avaliación seleccionará a un máximo de 8 proxectos participantes na aceleradora.
A resolución definitiva dos proxectos seleccionados publicarase na web de SmartPeme e será comunicada ás persoas interesados vía correo electrónico.
Calquera aclaración respecto ás bases ou discrepancia debe ser remitida mediante correo electrónico á dirección info.smartpeme@depo.es.
Lugar, forma e prazo de presentación de solicitudes
O prazo para a presentación de solicitudes finalizará o 1 de xuño ás 23:59 horas, non considerándose ningunha candidatura presentada fóra de prazo.
Período lectivo
As actividades do Programa de aceleración executaranse entre o 6 de xuño e o 18 de xullo.
Preferentemente priorizaranse os asesoramentos de forma telemática, aínda que existirá a posibilidade de realizar asesoramentos de forma presencial en función das necesidades da persoa usuaria.
As actividades formativas serán todas en liña para facilitar e garantir a asistencia das 8 empresas seleccionadas que poderán ser de calquera parte da provincia de Pontevedra.
Inscripción e documentación necesaria
O programa de aceleración multisectorial, na súa terceira edición, acollerá un máximo de 8 empresas que serán seleccionadas en base ao proceso de evaluación descrito anteriormente.
Para inscribirte podes facer clic AQUÍ.
Para calquera dúbida ou consulta poderá contactar co equipo do proxecto en:
SmartPeme Pontevedra
Edif. Admin. Deputación de Pontevedra
Av. Montero Ríos s/n
36071 - Pontevedra
Email: info.smartpeme@depo.es
Teléfono: 886 202 020
Fonte: SmartPeme
Rexistro
« | Setembro 2024 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | ||||||
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 |
- ChatBot, a automatización da atención ao cliente19 de setembro de 2024 11:00Máis información
- Primeiros pasos coa Administración Electrónica30 de setembro de 2024 11:00Máis información
Lenda:
Evento Aberto
Evento Pechado/Cancelado
Inscrito a este evento