Como crear un buyer persoa para chegar correctamente aos teus clientes - Actualidade
Actualidade
« Atrás
Como crear un buyer persoa para chegar correctamente aos teus clientes
Data: xoves, 08 de agosto de 2019
![](/documents/10180/0/blake-wisz-q3o_8MteFM0-unsplash.jpg/7f6808a4-61d5-4c4f-b537-174e5239cfd0?t=1565265745974)
Un buyer persoa é unha representación do que podería ser o cliente ideal para a túa empresa. Para definilo, teremos que, ademais de definir a súa demografía, establecer tamén o seu perfil psicolóxico e social: motivacións, retos, obxectivos, necesidades… É importante ter en conta, que este perfil non ten porqué parecerse a ti nin ao teu equipo.
Para definir este buyer persoa poderemos recorrer á realización de entrevistas aos teus clientes actuais ou leads potenciais (o lead ou rexistro é unha oportunidade de venda, un usuario que nos proporcionou os seus datos a través dun formulario e que pasa a formar parte da nosa base de datos, e que, por tanto, aceptou as nosas políticas de privacidade). A clave de todo este proceso recae nun único factor: a investigación exhaustiva, polo cal o primeiro que debemos facer son as preguntas adecuadas en relación á información que necesitamos.
Quen? En primeiro lugar, definiremos a demografía do buyer persoa: situación laboral e familiar, información demográfica (idade, salario, lugar de residencia e xénero) e identificadores (como é a súa personalidade e cales son os seus métodos de contacto preferidos).
Que? No "que" definiremos os obxectivos primarios e secundarios e os restos deste perfil, indicando como a partir deles, pode axudar á túa empresa. Por exemplo, se ofreces os servizos dun ximnasio, o obxectivo do buyer persoa podería ser "quere manterse en forma e levar unha rutina deportiva".
Por que? Aquí poderemos utilizar os comentarios que recibamos nas entrevistas sobre retos, obxectivos, queixas e obxeccións.
Como? Será importante definir como nos imos a dirixir aos nosos clientes, definindo as mensaxes de márketing e vendas adecuados para chegar a eles, ao comprender xa as súas necesidades.
Estas preguntas á hora de encher o noso CANVAS, permitirannos entender mellor as motivacións dos nosos clientes e aplicar un mapa de empatía, e permitiranos aplicar isto á estratexia orientada a todos aqueles perfís que se identifiquen con esa ficha de buyer persoa, e á que pretendemos satisfacer os seus desexos e necesidades.
Finalmente, cabe mencionar que o Inbound Marketing baséase en acompañar aos usuarios a través das diferentes fases do embude de conversión, buscando atraerlles de maneira natural cara á nosa marca. Dentro do embude de conversión dispoñemos de tres etapas: TOFU (a primeira toma de contacto), MOFU (cando o usuario está a valorar diferentes opcións) e BOFU (o peche definitivo da venda).
Esta tendencia do Inbound Marketing irá da man das novas tendencias de comportamento dos usuarios en canto a canles e formatos, por exemplo o vídeo, as Redes Sociais ou as Apps de mensaxería.
Jose Luis Taboada
Asesor TIC
Fonte: SmartPeme
Rexistro
« | Maio 2024 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |
- Programación con Arduino Módulo II - Parte II23 de maio de 2024 10:30Máis información
- Ciberseguridade, Antivirus e actualización do software27 de maio de 2024 10:30Máis información
Lenda:
Evento Aberto
Evento Pechado/Cancelado
Inscrito a este evento