Inauguración dos viveiros de empresas de Lalín e Barro-Meis - Actualidade
Actualidade
Inauguración dos viveiros de empresas de Lalín e Barro-Meis
Data: martes, 16 de febreiro de 2016
Os viveiros de empresas de Lalín 2000 e de Barro-Meis xa teñen data de inauguración e apertura: serán os días 24 e 25 de febreiro de 2016, respectivamente, coincidindo coa celebración da Semana Europea das PEME-StartUp Europe Week.
Ambas as xornadas comezarán ás 10:00 h coa inauguración e visita dos viveiros, acompañados por Carmela Silva, presidenta da Deputación de Pontevedra, Javier Collado, director xeral da Fundación INCYDE, David Regades, deputado delegado do Servizo de Cooperación, Eduardo Miguel Barros, presidente da Cámara de Comercio de Pontevedra, e Miguel Falcón, presidente da Cámara de Comercio de Vilagarcía de Arousa.
Estes actos inaugurais completaranse con diferentes relatorios en torno ao emprendemento; ademais, trataranse os fins e obxectivos da Semana Europea das Pequenas e Medianas Empresas, unha iniciativa da Comisión Europea para fomentar o emprendemento en Europa, promover a competitividade e a innovación e ofrecer a posibilidade de se integrar dentro dunha marca e contorna europea. Tamén se presentarán casos de éxito de empresariado que soubo cómo beneficiarse de programas de emprendemento en Europa para alcanzar un magnífico resultado empresarial.
Se queres obter máis información acerca destas xornadas e ler o programa completo que se seguirá ao longo dos eventos podes dirixirte á páxina web da Deputación de Pontevedra (www.depo.es) ou acceder a través da ligazón que compartimos ao final do artigo. Ademais, poderás consultar máis información sobre a StartUp Europe Week, o contido detallado das xornadas e completar os formularios de inscrición.
Infórmate aquí:http://www.depo.es/web/edepo/semana-europea-das-peme
Fonte: CPAE
Rexistro
« | Outubro 2025 | » | ||||
---|---|---|---|---|---|---|
Lu | Ma | Me | Xo | Ve | Sa | Do |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |
- Sácalle proveito ao email márketing con Brevo20 de outubro de 2025 12:00Máis información
- AI Overviews: novas regras para clasificar en primeiro lugar en Google21 de outubro de 2025 12:00Máis información
- Promociona o teu negocio co Perfil de empresa de Google22 de outubro de 2025 12:00Máis información
- Edita vídeos fácilmente desde o teu Smartphone: Edits23 de outubro de 2025 12:00Máis información
- Aplicacións de IA para automatizar procesos na túa empresa II23 de outubro de 2025 17:00Máis información
- OnShape 5 - Montaxe ou ensamblado de pezas27 de outubro de 2025 11:30Máis información