Entendemos publicidade nativa como o uso de anuncios de pago que, principalmente, aseméllanse co aspecto e formato dos medios onde aparecen. Non teñen unha aparencia de anuncio como tal, senón que parecen que forman parte do contido da páxina. Por iso, a clave deste tipo de publicidade é que non é disruptiva, é dicir, expón ao lector a contidos publicitarios sen sobresaír de maneira molesta.

Por iso, neste obradoiro aprenderase que é a publicidade nativa e como se pode aplicar ao noso negocio ou proxecto. 

Índice de contidos:
- Que é a publicidade nativa
- Vantaxes
- Como facer publicidade nativa
- Formatos
- Casos de éxito
- Conclusións 

O obradoiro será impartido por José Luis Taboada, inxeneiro Informático con máis de 20 anos de experiencia, e especializado en sistemas informáticos.

Este taller dirixido a pemes e autónomos, e emprendedores onde se tratará de  contextualizar e mostrar que é un  Bot e como podemos utilizar os  Chatbot como modelo da automatización da atención ao cliente

Índice de contidos:
• Definición 
• Tipoloxías
• Ferramentas para crear o noso propio  chatbot 
• Caso práctico:  Chatbot para Facebook

O obradoiro será impartido por Esther Garcinuño, Diplomada en Ciencias Empresariais, coa especialidade de mercadotecnia e dirección comercial, pola Universidade da Coruña e Enxeñeira Técnica en Informática de Xestión pola Universidade de Vigo, con mais de 8 anos de experiencia en deseño, desenvolvemento e dirección de proxectos web.

As redes sociais son unha vía de difusión de contidos cada vez máis necesaria para o noso negocio. Pero para coñecer se estamos a levar a cabo unha estratexia adecuada nelas é necesario analizar os datos que nos proporcionan: Para saber se aumentaron os nosos seguidores, que publicacións teñen un mellor rendemento ou en que momento é mellor publicar, debemos recorrer á analítica cuantitativa e á interpretación cualitativa de cada un dos datos obtidos.

Neste taller aprenderemos a coñecer, localizar e interpretar as estatísticas das redes sociais máis populares para determinar se as estamos utilizando adecuadamente no noso plan de márketing.  

Índice de contidos:
1. Introdución á analítica en Redes Sociais 
2. Obxectivos e métricas máis importantes
3. Análise por rede social
3.1. Facebook
3.2.  Instagram
3.3. Twitter
3.4.  Linkedin
4. Ferramentas de analítica

O obradoiro será impartido por Laura Carrera, Graduada en Publicidade e Relacións Públicas e Postgraduada en Dirección de Comunicación Corporativa, que conta cunha ampla experiencia asesorando empresas de diversos sectores no ámbito da comunicación e o marketing dixital.

As redes sociais son un dos recursos modernos que máis se utilizan para atraer a posibles consumidores cara aos nosos produtos ou servizos, xa sexan en liña ou de forma física ao noso local.

As fotografías para redes sociais deben atraer ao cliente, contar unha historia, ser creativas e destacar por encima das demais, para iso debemos saber nocións básicas de composición e planos. Veremos tamén como segundo a marca podemos crear diferentes estéticas que nos diferencian dos demais e fannos reconocibles na internet

Índice de contidos:
1. Que son as fotografías para redes sociais?
2. Claves para fotografías de  RRSS.
3. Planos en función do obxecto ou suxeito.
4. Planos en función da cámara.
5. Que necesitamos para facer unhas boas fotografías?
6. Regras básicas de publicación en redes sociais.

O obradoiro será impartido por Lara Taboada, Titulada Superior en Ensinos Artísticos de Deseño Gráfico, con experiencia en fotografía de produto e composición fotográfica creativa. 

 Instagram é unha das redes sociais que hoxe en día está máis de “moda” sobre todo no ámbito do turismo. Implementando unha boa estratexia de márketing poderás atraer a un público máis cualificado e alongar a súa experiencia co teu produto.

Calquera usuario, ao ver unha imaxe en  Instagram dalgún produto/destino/establecemento turístico, pode sentir a necesidade coñecerche, converténdose tamén nun prescritor a túa marca, contando a súa experiencia coas súas propias imaxes. 

Índice de contidos:
• Introdución.
• Guía rápida de creación da túa conta en  Instagram para empresas.
• Consellos de uso para gañar visibilidade.
• Ferramentas para optimizar a presenza do teu negocio.
• Publicidade en  Instagram:  Instagram  ads e “ Instagram  stories”

O obradoiro será impartido por Sonia Torres, Técnica de Empresas e Actividades Turísticas pola  Universidade da Coruña con posgrao en Xestión e Dirección de Empresas Turísticas pola  Universidade de Santiago de Compostela. Nos últimos anos traballou como Técnico de dinamización turística e como docente de certificados de profesionalidade na área de turismo.

A analítica web é unha ferramenta de negocio que nos axuda a entender o comportamento dos usuarios no noso sitio web para que podamos mellorar a súa experiencia e conseguir os nosos obxectivos. Obtendo esta información e interpretándoa correctamente, poderemos chegar á toma de decisións óptima e corrixir pautas para mellorar os nosos obxectivos comerciais.  

Índice de contidos:
• Introdución, metodoloxía e importancia da analítica web
• Como funciona Google  Analytics?
• Creación dunha conta e código de seguimento
• Conceptos e métricas básicas
• Os obxectivos – Embudes de conversión
• Informes estándar
• Informes personalizados

O obradoiro será impartido por José Luis Penas, Enxeñeiro Técnico Informático, Título de Metodoloxía Didáctica, con experiencia en formación e no asesoramento e creación de páxinas web e deseño gráfico.

A fotografía de produto é o escaparate do noso local no mundo  on- line, por iso debemos ser coidadosos á hora de realizar as nosas fotografías, coidar os detalles a luz e a composición son os factores máis importantes da nosa fotografía.

Da calidade da nosa imaxe dependerá a capacidade de aceptación ou desexo de consumir os nosos produtos ou servizos. Neste taller repasaremos as claves e os elementos que debemos utilizar para realizar unha boa fotografía de produto.

Recomendable traer cámara propia para realizar prácticas de fotografía de produto.

Índice de contidos:
1. Que é a fotografía de produto?
2. Claves para conseguir a fotografía perfecta.
3. Que necesitamos para facer boas fotografías de produto?
4. Elementos para realizar as fotografías.
5. Requisitos de tendas  on- line (tamaños, calidade, etc.)
6. Práctica de edición como programa  on- line.

O obradoiro será impartido por Lara Taboada, Titulada Superior en Ensinos Artísticos de Deseño Gráfico, con experiencia en fotografía de produto e composición fotográfica creativa. 

O obxectivo deste taller é dar a coñecer dúas ferramentas de Google, enfocadas a negocios locais que busquen unha maior visibilidade.

Google My Business e Google Adwords Express están pensados para facilitar o aproveitamento, por parte dos pequenos comercios, das posibilidades da Geolocalización e as procuras que os seus potenciais clientes poidan facer, empregando o buscador de Google.

Índice de contidos:
• Google My business
o Que é?
o Servizos que oferta
o Como funciona?
o Vantaxes
• Google Adwords Express
o Que é?
o Como funciona?
o Vantaxes
• Diferenzas entre Google Adwords e Google Adwords Express
• Costes dos servizos

O obradoiro será impartido por Esther Garcinuño, Diplomada en Ciencias Empresariais, coa especialidade de mercadotecnia e dirección comercial, pola Universidade da Coruña e Enxeñeira Técnica en Informática de Xestión pola Universidade de Vigo, con mais de 8 anos de experiencia en deseño, desenvolvemento e dirección de proxectos web.

Con este obradoiro axudámosche á hora de elixir e contratar un dominio e aloxamento para a túa web. É importante saber que nome ten que darlle á súa páxina para sacarlle o máximo partido. Saber elixir un aloxamento que se axuste ás súas necesidades, capacidade de espazo, velocidade, seguridade, servizo técnico, prezos e outros, son importantes detalles que hai que ter moi en conta á hora de elixir entre as distintas empresas provedoras destes servizos.

O obradoiro levarase a cabo no Viveiro de empresas de A Estrada.

Índice de contidos:
- Que éun dominio e tipos de dominio
- Consellos para elixir un nome de dominio, recomendacións
- Como varían os prezos á hora de ter un tipo de dominio ou outros?
- Pasos a realizar para a contratación dun dominio
- Que é un Aloxamento e tipos de aloxamentos
- Características que pode ofrecernos un aloxamento
- Exemplos de empresas provedoras de aloxamento

O obradoiro será impartido por Fátima Faílde, Licenciada en Publicidade e Relacións Públicas pola Universidade de Vigo, cun posgraduado en Comunicación e Industrias Creativas pola Universidade de Santiago de Compostela e con experiencia en comunicación corporativa, deseño gráfico e Imaxe corporativa. 

Unha das dificultades coas que se atopan as pequenas e medianas empresas turísticas é a realización de trámites na administración pública vía electrónica.

Neste taller trataremos conceptos que van desde como acceder e modificar os datos que a Administración ten sobre el, o tramitar altas/baixas/cambios da túa empresa, solicitude e seguimento de subvencións, facturación, ata a participación en diferentes programas de promoción e comercialización dos entes de xestión turística.

Índice de contidos:
•  Turespazo:  extranet sectorial que se establece entre o sector turístico e a Administración Turística de Galicia a través de Internet.
• Firma dixital e facturación electrónica/  FACE.
• Entes de xestión turística: Turismo Rías Baixas, Turismo de Galicia e Mapa Xeodestinos turísticos.
• Exemplos e trámites para a participación en plans de promoción e comercialización de recursos turísticos: Ruta do veu Rías Baixas (Experiencias  enoturísticas), Galicia turismo rural (Experiencias), Turismo. gal (“Plans”).

O obradoiro será impartido por Sonia Torres, Técnica de Empresas e Actividades Turísticas pola  Universidade da Coruña con posgrao en Xestión e Dirección de Empresas Turísticas pola  Universidade de Santiago de Compostela. Nos últimos anos traballou como Técnico de dinamización turística e como docente de certificados de profesionalidade na área de turismo.