Obradoiro telemático a través de Zoom.

Pinterest permite navegar, descubrir e comprar. Fai que os nosos produtos inspiren aos usuarios e axuda a converter as ideas do noso público en realidade. Pinterest sábeo, e por iso incorpora funcionalidades especialmente creadas para que ti, como vendedor en liña, sáqueslle o máximo partido. Descobre neste taller como ser comerciante verificado en Pinterest, como subir o teu catálogo á plataforma e como facer que os teus contidos cheguen ao público correcto para conseguir máis vendas. Orientado a usuarios que xa coñezan Pinterest e queiran obter máis vendas na súa tenda en liña.

1. O poder de Pinterest
2. Como ser comerciante en Pinterest
3. Atrae ao teu público obxectivo
4. Mide o teu éxito
5. Estratexias gañadoras


O taller será impartido por Esther Garcinuño, Diplomada en Ciencias Empresariais, coa especialidade de márketing e dirección comercial, pola Universidade de Vigo e Enxeñeira Técnica en Informática de Xestión pola Universidade da Coruña, con máis de 8 anos de experiencia en deseño, desenvolvemento e dirección de proxectos web.

Obradoiro telemático a través de Zoom.

Chamamos Growth Márketing (que poderiamos traducir como Márketing de Crecemento) ao conxunto de técnicas e estratexias do márketing dixital orientadas a un crecemento sostido no tempo da nosa empresa ou proxecto, sempre en base ao estudo de datos e á metodoloxía ensaio/erro. Este concepto nace doutro similar, o Growth Hacking. Utilizando moitas veces os seus métodos, o Growth Márketing pon con todo ao usuario no centro, dentro dunha estratexia que busca resultados tamén a longo prazo.

1- Que é o Growth Márketing?
2- Diferenzas entre Growth Márketing e Growth Hacking.
3- Fases do Growth Márketing.
4- Activos e estratexias participantes.
5- Ferramentas
6- Casos de Éxito

O obradoiro será impartido por Adrián Fernández, Licenciado en Comunicación Audiovisual pola Universidade de Barcelona e cunha ampla experiencia e traxectoria profesional asesorando empresas de diversos sectores no ámbito da comunicación dixital e o márketing online.