Obradoiro telemático a través de Zoom.

Neste obradoiro aprenderás como xestionar unha crise cando se produce unha brecha de seguridade na túa empresa. Veremos o protocolo de actuación paso a paso, como e cando contactar coas Forzas e Corpos de Seguridade, ademais de como comunicar externamente para protexer a reputación do teu negocio. Tamén analizaremos as consecuencias reais dunha violación de datos, incluíndo responsabilidades civís e penais, multas e danos á marca.

Índice de contidos: 
1. Protocolo de actuación
2. Intercambio de información
3. Comunicación externa
4. Consecuencias reais

O obradoiro será impartido por Manuel Tornos, asesor do CPED (Centro de Desenvolvemento Industrial Informatizado) de Barro-Meis con máis de 30 anos de experiencia en TIC, experto en transformación dixital, optimización de procesos e novas tecnoloxías. Tamén é licenciado en Administración de Redes e Sistemas.	

Obradoiro telemático a través de Zoom.

Este curso intensivo céntrase en transformar a túa forma de comunicar para influír e motivar á túa audiencia a través de mensaxes claros, emocionais e cribles. Aprenderás a ir máis alá da simple transmisión de información, establecendo unha conexión xenuína que impulse a acción. Un obradoiro práctico para emprendedores que queren comunicar con impacto e xerar confianza.
Índice de contidos:
1. Introdución
2. Dirección
3. Estrutura
4. Simplicidade
5. Actitude e linguaxe non verbal
6. Conclusión

O obradoiro será impartido por Sabela Álvarez, asesora de emprendemento, licenciada en Comunicación e formadora acreditada con máis de 10 anos de experiencia en empregabilidade, emprego e emprendemento.