Obradoiro telemático a través de Zoom.

A figura do influencer nas redes sociais non para de gañar peso e evolucionar da man das tendencias de consumo e creación de contido do momento. Os miles, mesmo millóns de usuarios que seguen a estes perfís sociais téñenos en conta como fontes fiables de información e referencia en gustos e estilo, o que significa que o público que consome o contido do influencer sexa totalmente receptivo á información que lles chega pola súa banda. Como marca, debemos ter en conta este tipo de márketing para conseguir incrementar as vendas e conseguir crecer na comunidade que tratamos de crear en redes sociais. No obradiro veremos os seguintes puntos:

1. que é o márketing con influencers?
2. Plataformas máis usadas
3. Tipos de influencers
4. Beneficios do márketing con influencers
5. Consellos para crear unha campaña efectiva
6. Conclusións

O obradoiro será impartido por Laura Carrera, Graduada en Publicidade e Relacións Públicas e Postgraduada en Dirección de Comunicación Corporativa, que conta cunha ampla experiencia asesorando empresas de diversos sectores no ámbito da comunicación e o marketing dixital.