Obradoiro telemático a través de Zoom.

Tes un bar, restaurante ou food truck? Aprende a crear neste obradoiro menús atractivos, promocións visuais e publicacións para as túas redes… todo dende Canva e sen necesidade de ser unha persoa experta en deseño.

Aprenderás a deseñar menús dixitais e físicos, a crea stories e posts e a personalizar co teu estilo e cores corporativas. Mellorarás a túa presenza en liña e tamén como aforrar tempo usando a ferramenta de Canva. 

Índice de contidos:
1. Creación rápida de menús
2. Deseña os teus posts e historias
3. Tips e consellos

O obradoiro será impartido por Fátima Faílde, Licenciada en Publicidade e Relacións Públicas pola Universidade de Vigo, cun posgraduado en Comunicación e Industrias Creativas pola Universidade de Santiago de Compostela e con experiencia en comunicación corporativa, deseño gráfico e Imaxe corporativa.

Obradoiro telemático a través de Zoom.

A analítica web resulta fundamental á hora de coñecer que sucede no noso sitio web e se está aliñado cos nosos obxectivos de negocio. As ferramentas de analítica permiten descubrir que fai un usuario desde que entra na nosa web ata que a abandona. Neste taller veremos como utilizar a nova ferramenta Google Analytics para medir o comportamento dos usuarios e transformar os datos do noso sitio web en coñecemento para tomar mellores decisións de negocio.

Índice de contidos:
1. Importancia da analítica web
2. Google Analytics: como funciona e implementación
3. Informes de Google Analytics
4. Definición de obxectivos
5. Métricas e KPI's para a toma de decisións

O obradoiro será impartido por Esther Garcinuño, Diplomada en Ciencias Empresariais, coa especialidade de márketing e dirección comercial, pola Universidade de Vigo e Enxeñeira Técnica en Informática de Xestión pola Universidade da Coruña, con máis de 8 anos de experiencia en deseño, desenvolvemento e dirección de proxectos web.

Obradoiro en liña a través de Zoom.

Aprende a dominar OrcaSlicer, un dos programas máis potentes para preparar os teus modelos 3D. Abordaremos como crear e optimizar perfís e materiais de impresión, fusionar ou dividir pezas, aplicar modificadores e outros trucos para sacar o máximo proveito da túa impresora. Aproveita as últimas funcionalidades e profesionaliza os teus proxectos, dende a idea inicial ata a peza final.

Índice de contidos:

1. Configuración avanzada de perfís e materiais de impresión
2. Fusión e división precisas de pezas
3. Uso de modificadores e parámetros localizados
4. Optimización de soportes e estruturas internas
5. Integración con novas funcionalidades de impresión 3D en navegadores modernos

O obradoiro será impartido por Manuel Tornos, asesor do CPED (Centro para o Desenvolvemento da Impresión 3D) de Barro-Meis con máis de 30 anos de experiencia en TIC, experto en transformación dixital, optimización de procesos e novas tecnoloxías. Tamén é administrador de redes e sistemas.