Obradoiro telemático a través de Zoom.

Este obradoiro está dirixido a calquera persoa que teña un sitio web que os usuarios visitan, pero as solicitudes de orzamentos, as chamadas e as vendas non chegan ou son menos do esperado.

O noso sitio web ou tenda en liña é unha ferramenta para acadar unha serie de obxectivos como profesional ou empresa. Se non os estamos a conseguir, é necesario saber por que e como resolvelos. Aquí é onde entra en xogo a CRO (Optimización da Taxa de Conversión).

Neste obradoiro, analizaremos este concepto, identificaremos por que os usuarios non están a converter no noso sitio web e aprenderemos técnicas básicas, pero infalibles, para transformar os visitantes en clientes.

Índice de contidos:
1. Optimización da Taxa de Conversión dun sitio web
2. Recomendacións de CRO
3. Ferramentas de CRO

O taller será impartido por Esther Garcinuño, Diplomada en Ciencias Empresariais, coa especialidade de márketing e dirección comercial, pola Universidade de Vigo e Enxeñeira Técnica en Informática de Xestión pola Universidade da Coruña, con máis de 8 anos de experiencia en deseño, desenvolvemento e dirección de proxectos web.