Seguimos avanzando na protección da infraestrutura dixital da túa empresa. Neste taller centrarémonos nos dispositivos móbiles, unha das principais portas de entrada para ataques e fugas de información. Aprenderás como configurar os teus móbiles de forma segura, xestionar permisos, protexer datos sensibles e aplicar boas prácticas no seu uso diario. Porque os móbiles son ferramentas imprescindibles no traballo, pero tamén poden ser un risco se non se xestionan correctamente.

Índice de contidos:

1. Dispositivos móbiles como porta de entrada para fugas de datos e ataques.
2. Como configurar Android e iOS de forma segura para uso profesional.
3. Xestión de permisos (esa aplicación de lanterna realmente precisa acceder aos teus contactos?).
4. Protexer a información crítica e separar a vida persoal e laboral no mesmo dispositivo.
5. Hábitos seguros para o uso diario do teléfono intelixente no traballo.

O obradoiro estará dirixido por Manuel Tornos, asesor do CPED de Barro-Meis con máis de 30 anos de experiencia en TIC, experto en transformación dixital, optimización de procesos e novas tecnoloxías. É administrador de redes e sistemas.

Neste obradoiro descubrirás a clave para o éxito a longo prazo: como converter a túa idea inicial nun activo legalmente protexido. Esta fase é, sen dúbida, unha das máis cruciais do emprendemento, xa que senta as bases para preservar os teus dereitos sobre a túa creación. Aprenderás as estratexias para blindar o teu negocio mediante o rexistro de marcas, patentes ou deseños, evitando copias e asegurando que só ti poidas explotar o valor único que desenvolveches.

O obradoiro será impartido por Sabela Álvarez, asesora de emprendemento, licenciada en comunicación e formadora acreditada; con máis de 10 anos de experiencia en empregabilidade, emprego e emprendemento.