Eventos

Buscador

    a
Obradoiro telemático a través de Zoom.

Iniciamos unha nova serie de talleres de ciberseguridade para ir formándonos en aspectos fundamentais que debemos de ter en conta, o formato é de 30 min máximo e unha frecuencia semanal para favorecer unha aprendizaxe fácil e progresiva.

“Ciberseguridade, que é o Malware”, o obxectivo deste taller é dar a coñecer ao asistente que é o Malware, que tipos de Malware empregan os ciberdelincuentes, como podemos saber se estamos infectados ou como me infectei dun Malware.

Índice de contido

- Que é o Malware.
- Tipos de Malware.
- Como saber se estamos infectados.

O obradoiro será impartido por Manuel Freire, Experto Universitario en Robótica, Programación e Impresión 3D con máis de 4 anos de experiencia impartindo obradoiros de formación.
Obradoiro telemático a través de Zoom.

Vendes en liña ou estás pensando en vender? Pois o packaging dos produtos será un elemento máis que fundamental na estratexia de venta en liña. Neste obradoiro, coñeceremos os fundamentos máis básicos do packaging, como por exemplo, os tipo de caixas que existen. Tamén anotaremos os pasos básicos para preparar un pedido e cales son as características que deberíamos ter en conta.

Ningún packaging do ano 2022 podería ter lugar sen a súa sostibilidade, polo que prestaremos atención a cómo podemos facer unha estratexia máis sostible con noso planeta. Remataremos coñecemos elementos que podemos incorporar á nosa estratexia de envíos que farán que a experiencia de compra sexa máis agradable.

ÍNDICE:
1. Aprendendo sobre packaging
2. Como enviar un paquete paso a paso
3. Packaging Sostible
4. Elementos Experienciais

O obradoiro será impartido por Fátima Faílde, Licenciada en Publicidade e Relacións Públicas pola Universidade de Vigo, cun posgraduado en Comunicación e Industrias Creativas pola Universidade de Santiago de Compostela e con experiencia en comunicación corporativa, deseño gráfico e Imaxe corporativa.
Obradoiro telemático a través de Zoom.

Google Analytics evolucionou. O modo no que Google recompila a información dos usuarios que acceden á nosa web e o modo no que nola mostra para a súa análise, cambiou para sempre. Esta evolución materialízase nunha nova ferramenta: Google Analytics 4. Este obradoiros realiza unha primeira aproximación a esta ferramenta, fundamental para calquera sitio web. Poñeranse de manifesto as diferenzas co actual Google Analytics (Universal), veremos como configurala e como comezar a sacarlle partido, de modo que nos axude na toma de decisións do noso negocio.

Índice:
1. Google Analytics: Comparativa de versións
2. Crear propiedade de Google Analytics 4
3. Interface, informes e configuracións recomendadas
4. Comprende aos visitantes da túa web

O obradoiro será impartido por Esther Garcinuño, Diplomada en Ciencias Empresariais, coa especialidade de márketing e dirección comercial, pola Universidade de Vigo e Enxeñeira Técnica en Informática de Xestión pola Universidade da Coruña, con máis de 8 anos de experiencia en deseño, desenvolvemento e dirección de proxectos web.
Obradoiro telemático a través de Zoom.

O mundo dixital representa un modelo de negocio e un crecemento empresarial. Por que este potencial non o poden empregar tamén asociacións, fundacións, cooperativas ou empresas con fins sociais?
Neste taller revisaremos as principais estratexias en liña, as ferramentas e as canles máis axeitadas dispoñibles para as entidades do terceiro sector para funcionar no contorno dixital, atendendo aos seus principais obxectivos e necesidades.

1. Introdución.
2. Obxectivos e particularidades do terceiro sector no ámbito dixital.
3. Estratexias e canles de captación, captación de fondos e imaxe corporativa.
4. Ferramentas.
5. Exemplos de éxito.

O obradoiro será impartido por Adrián Fernández, Licenciado en Comunicación Audiovisual pola Universidade de Barcelona e cunha ampla experiencia e traxectoria profesional asesorando empresas de diversos sectores no ámbito da comunicación dixital e o márketing en liña.
Os impostos son ingresos públicos constituídos por obrigacións esixidas pola 
Administración Pública aos contribuíntes coa finalidade de obter recursos para facer fronte aos gastos públicos. Neste taller imos desenvolver os principais aspectos dun destes tributos; o imposto do valor engadido (IVE).

1.	Concepto e natureza
2.	Características do IVE
3.	Réximes
4.	Base impoñible
5.	Tipos de gravame
6.	Modelos e prazos de presentación
7.	Obrigacións formais: libros rexistro
8.	Conclusións

O obradoiro será impartido por Paz Ares, Licenciada en Ciencias Económicas e Empresariais pola Universidade de Vigo na especialidade de economía pública, cun Máster en Formación do profesorado pola Universidade de Vigo, e experiencia profesional no sector financeiro e educativo.
Obradoiro telemático a través de Zoom

Entender as relacións cos teus clientes é relevante, especialmente no mundo dixital.
Este obradiro ten como obxectivo ver o uso adecuado do email márketing á hora de promocionar os nosos produtos e/o servizos, e xerar achega de valor aos nosos contidos.
Introdución aos conceptos básicos do email márketing, a terminoloxía e as vantaxes da utilización dun software profesional.
Ademais de entender as funcionalidades dos principais servizos de email márketing, aprenderemos a implantar a versión gratuíta de Benchmark Email.
Coñeceremos as vantaxes de utilizar unha ferramenta específica para iso, como mellorar o seu deseño, medir o impacto das túas diferentes campañas e o resultado das mesmas.

Contido
• Introdución ao e-mail Márketing.
• Como deseñar unha estratexia de e-mail Márketing
• Deseño en e-mail Márketing
• Ferramentas
• Recomendacións para crear campañas perfectas
• Crea unha conta gratuíta en Benchmark Email
• Crea unha campaña de email
• Contidos: estrutura e persoais
• Audiencia: público obxectivo
• Informes

Nivel: Iniciación

O taller será impartido por José Luis Taboada, Enxeñeiro Informático con máis de 30 anos de experiencia, e especializado en sistemas informáticos.
Obradoiro telemático a través de Zoom.

A día de hoxe todo o mundo oíu falar do SEO e do SEM pero, coñecemos realmente a importancia de traballar correctamente estes dous termos? Unha estratexia efectiva de posicionamento nos motores de procura ten como base a elección dunhas boas palabras crave adaptadas ao público obxectivo ao que nos diriximos, isto é sen dúbida a clave do éxito.

Neste taller ensinarémosche a buscar as palabras crave adecuadas coas ferramentas que dispón o mercado actualmente para garantir un oco no mercado online e xerar o maior número de vendas posible.

Contido

1. A importancia do SEO
2. A importancia do SEM
3. Como se buscan as palabra crave?
4. Aplicación das palabras crave
5. Ferramentas

O obradoiro será impartido por Laura Carrera, Graduada en Publicidade e Relacións Públicas e Postgraduada en Dirección de Comunicación Corporativa, que conta cunha ampla experiencia asesorando empresas de diversos sectores no ámbito da comunicación e o marketing dixital.
Obradoiro telemático a través de zoom.

Iniciamos unha nova serie de talleres de ciberseguridade para ir formándonos en aspectos fundamentais que debemos de ter en conta, o formato é de 30 min máximo e unha frecuencia semanal para favorecer unha aprendizaxe fácil e progresiva.

“Ciberseguridade, o Phishing”, o obxectivo deste taller é dar a coñecer o Phishing que é a forma máis sinxela de ciberataque e, ao mesmo tempo, a máis perigosa e efectiva por tanto é fundamental coñecelo, saber as distintas formas nas que se pode presentar para poder identificalo con eficacia.

Índice de contido

- Que é o Phishing.
- Tipos de Phishing,
- Como protexernos.

O obradoiro será impartido por Manuel Freire, Experto Universitario en Robótica, Programación e Impresión 3D con máis de 4 anos de experiencia impartindo talleres de formación.
Obradoiro telemático a través de Zoom.

Se tes un establecemento turístico, sexa un aloxamento ou un restaurante, poderás descubrir a través deste obradoiro cales son as vantaxes e inconvenientes de usar as redes sociais como estratexia para captar clientes para o teu negocio. Falaremos de como e cando debemos usar cada unha das redes sociais segundo o teu público obxectivo.

Índice:
1. Vantaxes e inconvenientes das Redes Sociais
2. Fases de compra do turista dixital
3. Cando usar cada rede social
4. Como usar cada rede social
5. Outras redes sociais turísticas (tripadvisor, minube, foursquare...)


O obradoiro será impartido por Patricia Cabaleiro, postgraduada en Turismo pola Universidade de Santiago de Compostela con máis de 10 anos de experiencia no sector turístico. Xestionando aloxamentos, creando paquetes, produtos e presenza das marcas en redes sociais. Apaixonada da fotografía e o márketing dixital.
Obradoiro telemático a través de Zoom

Obtén o valor dos teus datos con Google Data Studio
Este obradoiro dirixido a pemes e autónomos, tratará de mostrar o uso de Google Data Studio onde se poderán unificar e conectar os datos obtidos nas distintas ferramentas de Google; e outras plataformas e formatos externas, para elaborar informes globais dunha empresa. Deste xeito, poderás visualizalos de forma sinxela e intuitiva, compartilos ou editalos en tempo real.


Contido:
1. Que é Google Data Studio?
2. Primeiros pasos para configurar Google Data Studio
3. Coñecendo o editor de Google Data Studio
4. Crear informes a partir dun persoal
5. Crear informes personalizados desde cero + informes en PDF
6. Limitacións de Google Data Studio + Resumo

Nivel: Intermedio

O obradoiro será impartido por María Aller, Licenciada en Publicidade e Relacións Públicas pola Universidade de Vigo, cun postgrado en Comunicación Corporativa pola Universidade da Coruña e un master en marketing dixital pola UCM, con máis de 3 anos de experiencia en marketing dixital e ecommerce.

Inscricións a través da seguinte ligazón:
1  2  Seguinte