Actualidade

« Atrás

A Axencia Tributaria homologa unha nova app para autónomos

Data:  xoves, 10 de xullo de 2014

Esta aplicación contabiliza e calcula os impostos a partir dunha foto co móbil.

Exaccta Tax é unha nova aplicación destinada ós autónomos que, con só facer unha foto co móbil ou tablet dos tickets e facturas, contabiliza segundo as obrigacións tributarias de cada cliente.

"Exaccta Tax conta coa certificación de homologación da Axencia Tributaria Española (AEAT), de forma que todas as imaxes fotografadas polos usuarios, autónomos de España, serven como xustificante tributario, polo que xa tampouco fai falta gardar nin arquivar os documentos en papel" explica Fernando Muñiz, product manager de Exaccta.

Ademais, se o usuario, tras fotografar co seu móbil os documentos, toca a pantalla, xérase toda a información de forma automática e en tempo real, haxa ou non conectividade. Así, o autónomo ten dispoñible a contabilidade, os impostos, o seu orzamento, e todo tipo de informes cando o desexe.

"A contabilidade xerada a partir da foto é a particular do usuario, en función das súas obrigas tributarias e das súas circunstancias profesionais", cóntanos Muñiz.

Os autónomos que dispoñen dun asesor poden exportar ás principais aplicacións de xestión do mercado toda a información contable e tributaria, incluíndo as imaxes asinadas orixinadas no móbil a partir dunha foto.

Polo momento a app está dispoñible en español e inglés para iPhone e estarao para Android no próximo mes de setembro. Os creadores de Exaccta comezarán a adaptación internacional da aplicación no mes de outubro deste ano.

Nota de prensa

08/07/2014

http://www.ticpymes.es/informatica-telecomunicacións/noticias/1075105026104/axencia-tributaria-homologa-app-autonomos.1.html?utm_source=rss&utm_medium=feed&utm_campaign=20140708#

Fonte:  http://www.ticpymes.es