Actualidade

« Atrás

Xornadas para o desenvolvemento local en Poio

Data:  martes, 18 de outubro de 2016

Durante os vindeiros 21 e 22 de outubro, celebraranse en Poio as xornadas "A forza do local, a microeconomía sostible como realidade". Desenvolveranse no Salón Social da Comunidade de Montes Combarro, "Rega dos Agros", (Travesía Maceira, Combarro, Poio) dende a tarde do venres 21 as 16:45 horas e durante o sábado dende as 9:45 horas.

A iniciativa, organizada polo concello de Poio e na que colabora a Deputación de Pontevedra, pretende ser un punto no que se compartan ideas sobre as posíbeis accións para potenciar os recursos locais.

O evento, dirixido a técnicos de desenvolvemento e promoción económica, empresarios, emprendedores, políticos, estudantes, comunidades de montes, asociacións e publico en xeral, pretende dar lugar a ideas utilizables no contexto inmediato de poio para xerar riqueza baseada nos recursos da zona.

Entre os diferentes coloquios e relatorios sobre proxectos locais, axudas, e revisións, o venres 21 as 19:00 horas SmartPeme achegarase ao concello para expor brevemente aos asistentes a súa carteira de servizos.

Ademais, os asistentes a xornada poderán, de desexalo, aproveitar para achegarse pola exposición "A forza do local", que se celebra eses mesmos días en Poio, tamén no Salón Social da Comunidade de Montes Combarro, "Rega dos Agros".

Estará dispoñible dende o 17 ao 23 de outubro, de 10:00 horas a 14:00 horas e de 16:00 horas a 20:00 horas, e que amosa algunhas das boas practicas levadas a cabo en Galicia nas que colaboraron profesionais de desenvolvemento local, e que poñen en valor os recursos dunha forma intelixente harmónica e sostible.

Os interesados poden apuntarse ou obter mais información chamando ao 986770001 extensión 1260, ou mandando un mail a promocioneconomica@concellopoio.org

Fonte:  SmartPeme