Actualidade

« Atrás

Do B2C ao B2E (Do Business to Client ao Business to Emotion)

Data:  venres, 28 de agosto de 2020

Non é descoñecida a necesidade do ser humano de sentirse membro dunha comunidade, na cal é atendido dunha maneira personalizada en función dos seus intereses e necesidades.
 
Por iso rexorde un termo en constante actualidade: o Business to Emotion (B2E).
 
Actualmente, empézaselle a dar gran valor á experiencia humana. Cada vez é máis común acudir aos comentarios ou recensións dun produto ou servizo antes de decantarnos finalmente por comprar ou contratar ese produto ou servizo, tomando unha decisión final en base á experiencia que outras persoas usuarias tiveron. Como empresas, debemos aproveitar o Big Data como fonte inesgotable de información para así poder mellorar as prestacións dos nosos produtos e servizos e ofrecelos de maneira mellorada a futura clientela.
 
Descubrimos que, no ser humano, a emoción é o que fai que as cousas importen. Nos negocios, é a emoción o que crea marcas capaces de escapar de ser simplemente un escaparate ou catálogo de produtos. O negocio que comprende as emocións do consumidor comprende como formar vínculos apaixonados no mercado.
 
Se a emoción é tan importante, debemos recompilar tantos datos sobre ela como podamos, establecer algunhas definicións operacionais da emoción que permitan a medición cuantitativa do desempeño emocional das nosas empresas e integrar esas medidas de emoción nas nosas implementacións empresariais.
 
Debemos ter en conta que temos que basearnos nunha perspectiva humanista, dado que a emoción é inherentemente subxectiva. A clave está en emparellar o racional co emocional, debemos reafirmar a importancia das emocións positivas dentro da vida empresarial.
 
Temos que tentar ser capaces de sensibilizar, de crear correntes cara a aqueles que nos rodean tanto membros da nosa empresa, como provedores e clientela, xa que o difícil da emoción é que debe sentirse directamente, e para iso debemos mostrar un alto grao de sensibilidade cara ás necesidades dos demais e ser meigos das súas emocións. A emoción é unha experiencia consciente que se constrúe no cerebro e sentese alí.
 
Debemos partir da vida interior das persoas, aquilo que lles motiva e que posteriormente expresan a través da súa parte creativa, nas súas creacións, na súa forma de actuar, moitas veces influenciada pola cultura de onde viven. Diferentes persoas en diferentes culturas mostran os seus sentimentos de diferentes maneiras.
 
Por iso temos que segmentar de tal maneira que a persoa que nos quere comprar un produto ou un servizo perciba que nos achegamos a ela dunha maneira individualizada, baseándonos na granularidade emocional, tendo en conta que esta é a capacidade de percibir distincións entre diferentes emocións. 
 
Para concluír debemos observar que cando se trata de emocións, é importante practicar a honestidade, xa que un cliente fiel é aquel que recibe o que espera e non lle xeramos falsas expectativas.
 
José Luis Taboada Fernández
Asesor TIC SmartPeme

 

Fonte:  SmartPeme